ಭಾರತ ಸೇರಿ ಜಗತ್ತಿನಾದ್ಯಂತ ಕೊರೊನಾ ಆತಂಕ ನಿವಾರಣೆಯಾಗಿದ್ದು, ಜನಸಾಮಾನ್ಯರ ಜೀವನ ಸಹಜ ಸ್ಥಿತಿಗೆ ಬಂದಿದೆ. ಆದರೆ, ಕಳೆದೆರಡು ವರ್ಷಗಳಿಂದ ಇದು ಕೊಟ್ಟ ಕಾಟ ಅಷ್ಟಿಷ್ಟಲ್ಲ. ಬಹುತೇಕ ದುಡಿಯುವ ವರ್ಗದವರನ್ನು ಮನೆಯಲ್ಲಿಯೇ ಇರುವಂತೆ ಮಾಡಿತ್ತು. ಐಟಿ ವರ್ಗದ ಜನರೆಲ್ಲಾ ಮನೆಯಿಂದಲೇ ಕಾರ್ಯನಿರ್ವಹಿಸಿದ್ದರು. ಇನ್ನೂ ಕೆಲವರು ಕಚೇರಿ ಕೆಲಸಕ್ಕಾಗಿ ಸುಂದರ ತಾಣಗಳನ್ನೂ ಆಯ್ಕೆ ಮಾಡಿಕೊಂಡಿದ್ದರು.
ಈ ರೀತಿ ಕೆಲಸ ಮತ್ತು ರಜೆ ಎರಡನ್ನೂ ಒಟ್ಟಿಗೇ ಮಾಡುವಂತಹ ವರ್ಗದವರನ್ನು ಸೆಳೆಯುವುದಕ್ಕಾಗಿ ಗೋವಾ ಸರ್ಕಾರ ಮುಮದಾಗಿದೆ. ಮಾಹಿತಿ ತಂತ್ರಜ್ಞಾನ ಇಲಾಖೆಯು ಪ್ರಸ್ತಾಪಿಸಿದ ಸಹ-ಕಾರ್ಯನಿರ್ವಹಣೆಯ ಸ್ಥಳಗಳ ರಚನೆಗೆ ಗೋವಾ ಕರಾವಳಿ ವಲಯ ನಿರ್ವಹಣಾ ಪ್ರಾಧಿಕಾರವು (GCZMA) ಅನುಮೋದನೆ ನೀಡಿದೆ.
ಕೋ ವರ್ಕಿಂಗ್
ಕೊರೋನಾದಂತಹ ಸಾಂಕ್ರಾಮಿಕ ಕಾಲದಲ್ಲಿ ಜನಪ್ರಿಯವಾದ ‘ಕೆಲಸ ಮತ್ತು ರಜೆ’ (Work+Vacation= Workation) ಎಂಬ ಪರಿಕಲ್ಪನೆ ಅಡಿಯಲ್ಲಿ ಪ್ರಾಧಿಕಾರವು ಅಶ್ವೆಮ್, ಮೊರ್ಜಿಮ್, ಮಿರಾಮರ್ ಮತ್ತು ಬೆನೌಲಿಮ್ ಕಡಲತೀರಗಳಲ್ಲಿ ಲ್ಲಿ ಸಹ-ಕಾರ್ಯನಿರ್ವಹಣೆ ಸ್ಥಳಗಳ ರಚನೆಗೆ ಮುಂದಾಗಿದೆ.
ಮಿರಾಮರ್ ನಲ್ಲಿ ಮನೋಹರ್ ಪರಿಕ್ಕರ್ ಸಮಾಧಿ ಸಂಕೀರ್ಣದ ಬಳಿ ಮತ್ತು ಮೊರ್ಜಿಮ್ ನಲ್ಲಿ ಸಹ ಕಾರ್ಯನಿರ್ವಹಣೆಯ ಸ್ಥಳದ ಜೊತೆಗೆ ಆಮೆ ವ್ಯಾಖ್ಯಾನ ಕೇಂದ್ರವನ್ನು ಸಹ ರಚಿಸಲಾಗುವುದು. ಏಕೆಂದರೆ ಮೊರ್ಜಿಮ್ ಬಳಿಯ ಪೆರ್ನೆಮ್ ನ ಕರಾವಳಿಯಲ್ಲಿ ಆಲಿವ್ ರೆಡ್ಲಿ ಸಮುದ್ರ ಆಮೆಗಳು ಗೂಡು ಕಟ್ಟುವುದನ್ನು ನೋಡಬಹುದಾಗಿದೆ.
ಅನೇಕ ಪ್ರವಾಸಿಗರು ಮೊರ್ಜಿಮ್‌ಗೆ ಆಮೆಗಳು ಗೂಡು ಕಟ್ಟುವ ಪ್ರಕ್ರಿಯೆಯನ್ನು ವೀಕ್ಷಿಸಲು ಆಗಮಿಸುತ್ತಾರೆ. ಆದರೆ ಚಟುವಟಿಕೆಯು ರಾತ್ರಿಯಲ್ಲಿ ನಡೆಯುವುದರಿಂದ ವೀಕ್ಷಿಸಲು ಸಾಧ್ಯವಾಗುವುದಿಲ್ಲ. ಆದ್ದರಿಂದ, ಈ ಪ್ರವಾಸಿಗರಿಗೆ ಸಹ-ಕಾರ್ಯನಿರ್ವಹಣೆಯ ಸ್ಥಳದ ಬಳಿ ವ್ಯಾಖ್ಯಾನ ಕೇಂದ್ರವನ್ನು ನೀಡಬಹುದು ಎಂದು ಜಿಸಿಜೆಡ್ ಎಂಎ ಸದಸ್ಯರು ವರದಿಯಲ್ಲಿ ಪ್ರಸ್ತಾಪಿಸಿದ್ದಾರೆ.
“ನಾವು ಮೋರ್ಜಿಮ್ ಕಡಲತೀರವು ಆಮೆ ಗೂಡುಕಟ್ಟುವಿಕೆಗೆ ಹೆಸರು ವಾಸಿಯಾಗಿದೆ. ಹಾಗಾಗಿ ಇಲ್ಲಿ ಸಹ-ಕಾರ್ಯನಿರ್ವಹಣೆಯ ಸ್ಥಳ ನಿರ್ಮಾಣದ ವೇಳೆ ಜಾಗರೂಕರಾಗಿರಬೇಕು. ನಿರ್ಮಾಣದ ಸಮಯದಲ್ಲಿ, ಬೀಚ್ ಪ್ರೊಫೈಲ್ ಮತ್ತು ಅದರ ಸಸ್ಯವರ್ಗದ ಹೊದಿಕೆಗೆ ಯಾವುದೇ ಹಾನಿಯಾಗದಂತೆ ಎಚ್ಚರಿಕೆ ವಹಿಸಬೇಕು. ಪ್ರಸ್ತಾವಿತ ಸಮುದ್ರ ಆಮೆ ಗೂಡುಕಟ್ಟುವ ಆವಾಸಸ್ಥಾನ ನಿರ್ವಹಣಾ ಯೋಜನೆಯ ಪ್ರಕಾರ, ಈ ಸ್ಥಳವು ಸುಸ್ಥಿರ ಪ್ರವಾಸೋದ್ಯಮ ವಲಯಕ್ಕೆ ಸೇರಿದೆ” ಎಂದು ಜಿಸಿಜೆಡ್ ಎಂಎ ಪರಿಣಿತ ಸದಸ್ಯರು ನೀಡಿದ ವರದಿಯ ಆಧಾರದ ಮೇಲೆ ಪ್ರಾಧಿಕಾರವು ಸಹ-ಕಾರ್ಯನಿರ್ವಹಣೆಯ ಸ್ಥಳಕ್ಕಾಗಿ ಎನ್ ಒಸಿ ಅನ್ನು ನೀಡಿದೆ.
ಸಹ-ಕೆಲಸದ ಸ್ಥಳವನ್ನು ಸಮುದ್ರ ಆಮೆ ಮಾಹಿತಿ ಕೇಂದ್ರವಾಗಿ ಪರಿವರ್ತಿಸಲಾಗುತ್ತಿದ್ದು, ಇದರ ನಿರ್ವಹಣಾ ಜವಾಬ್ದಾರಿಯನ್ನು ಗೋವಾ ಅರಣ್ಯ ಇಲಾಖೆಯು ನಿರ್ವಹಿಸುತ್ತದೆ ಎಂದು ಹೇಳಿದೆ. ಮನೋಹರ್ ಪರಿಕ್ಕರ್ ಸಮಾಧಿಯ ಪಕ್ಕದಲ್ಲಿರುವ ಮಿರಮಾರ್‌ನಲ್ಲಿರುವ ಸಹ-ಕಾರ್ಯನಿರ್ವಹಣಾ ಸ್ಥಳದ ನಿರ್ಮಾಣದ ಸಮಯದಲ್ಲಿ ಸಮುದ್ರ ಪರಿಸರ ವ್ಯವಸ್ಥೆಗೆ ಯಾವುದೇ ಹಾನಿಯಾಗದಂತೆ ನೋಡಿಕೊಳ್ಳಲು, ಕಡಲತೀರದ ಸಸ್ಯಗಳಿಗೆ ಹಾನಿಯಾಗದಂತೆ ಸುತ್ತಮುತ್ತಲಿನ ಪ್ರದೇಶವನ್ನು ಸಾಧ್ಯವಾದಷ್ಟು ನೈಸರ್ಗಿಕವಾಗಿರಿಸಲು ಐಟಿ ಇಲಾಖೆಗೆ ತಿಳಿಸಲಾಗಿದೆ.
ಬೆನೌಲಿಮ್‌ನಲ್ಲಿರುವ ಸಹ-ಕಾರ್ಯನಿರ್ವಹಣೆಯ ಸ್ಥಳವು ಪ್ರವಾಸೋದ್ಯಮ ಮಾಹಿತಿ ಸೌಲಭ್ಯ ಕೇಂದ್ರದ ಮುಂದೆ ಬರಲಿದೆ, ಅಲ್ಲಿ ಪಾರ್ಕಿಂಗ್, ಶೌಚಾಲಯಗಳು ಇತ್ಯಾದಿಗಳಿಗೆ ಈಗಾಗಲೇ ಸೌಲಭ್ಯಗಳಿವೆ. ಅದೇ ರೀತಿ ಅಶ್ವೆಮ್‌ನಲ್ಲಿ, ಆಯ್ದ ಸ್ಥಳವು ಭಾಗಶಃ ಪಾರ್ಕಿಂಗ್ ಪ್ರದೇಶವಾಗಿದೆ, ಆದರೆ ಅದರ ಭಾಗವನ್ನು ಮೀನುಗಾರರು ತಮ್ಮ ದೋಣಿಗಳನ್ನು ನಿಲ್ಲಿಸಲು ಬಳಸಲಾಗುತ್ತಿದೆ.
