ಆರೋಗ್ಯವೇ ಭಾಗ್ಯ. ಅದಿಲ್ಲದೆ ಮತ್ತೇನು ಸಾಧಿಸಿದರೂ ವ್ಯರ್ಥ, ಸಾಧಿಸುವುದೂ ಅಸಾಧ್ಯ.. ಕೆಲಸದಲ್ಲಿ ದಣಿದ ದಿನದ ನಂತರ, ಮಾನಸಿಕ ಶಾಂತಿ ಮತ್ತು ಸೌಕರ್ಯವನ್ನು ಚೇತರಿಸಿಕೊಳ್ಳಲು ನಾವು ಮನೆಯಲ್ಲಿರಲು ಬಯಸುತ್ತೇವೆ. ವಾಸ್ತು ಶಾಸ್ತ್ರದ ಪ್ರಕಾರ ಮನೆಗೆ ಅನ್ವಯವಾಗುವ ವಾಸ್ತು ನಿಯಮ ಮನೆ ಮಂದಿಯ ಆರೋಗ್ಯದ ಮೇಲೆ ತನ್ನದೇ ಆದ ಪರಿಣಾಮ ಬೀರುತ್ತದೆ. ಹೀಗಾಗಿ ಆರೋಗ್ಯ ಕಾಪಾಡಿಕೊಳ್ಳಲು ಕೆಲವೊಂದು ವಾಸ್ತು ನಿಯಮಗಳನ್ನು ಪಾಲಿಸಬೇಕಾಗುತ್ತದೆ. ಈ ಮೂಲಕ ರೋಗಗಳನ್ನು ತಡೆದು ಆರೋಗ್ಯಕರ ಜೀವನ ನಡೆಸಬಹುದು.
ಜೀವನದಲ್ಲೇ ಏನೇ ಸಾಧಿಸಬೇಕು, ಸಂತೋಷವಾಗಿರಬೇಕೆಂದರೂ ಮೊದಲು ಆರೋಗ್ಯ(health) ಚೆನ್ನಾಗಿರಬೇಕು. ಕೇವಲ ನಮ್ಮ ಆರೋಗ್ಯವಷ್ಟೇ ಅಲ್ಲ, ನಮ್ಮ ಕುಟುಂಬ, ಜೊತೆಗಿರುವವರು, ಆಪ್ತರು ಎಲ್ಲರೂ ಆರೋಗ್ಯವಾಗಿದ್ದಾಗಷ್ಟೇ ಬದುಕಲ್ಲಿ ನೆಮ್ಮದಿ ಸಾಧ್ಯ. ಇಂಥ ಆರೋಗ್ಯ ಸಾಧಿಸಲು ನಮ್ಮ ಜೀವನಶೈಲಿ ಚೆನ್ನಾಗಿರಬೇಕು. ಜೊತೆಗೆ ವಾಸ್ತುವೂ ಚೆನ್ನಾಗಿರಬೇಕು.
ಸಾಮಾನ್ಯ ವಾಸ್ತು ಸಲಹೆಗಳು:
*ಈಶಾನ್ಯ ದಿಕ್ಕಿನಲ್ಲಿ ಪ್ರತಿದಿನ ದೀಪವನ್ನು ಬೆಳಗಿಸಿ. ಇದು ಒಳ್ಳೆಯ ಆರೋಗ್ಯವನ್ನು ಉತ್ತೇಜಿಸುತ್ತದೆ.
*ನಲ್ಲಿಗಳ ಸತತ ತೊಟ್ಟಿಕ್ಕುವಿಕೆಯು ಋಣಾತ್ಮಕ ಶಕ್ತಿಯನ್ನು ಉತ್ಪಾದಿಸುತ್ತದೆ ಮತ್ತು ಆರೋಗ್ಯದಲ್ಲಿ ಕ್ಷೀಣಿಸುವಿಕೆಯನ್ನು ಸೂಚಿಸುತ್ತದೆ. *ಮೆಟ್ಟಿಲುಗಳ ಕೆಳಗಿನ ಜಾಗವನ್ನು ಶೌಚಾಲಯ ಅಥವಾ ಅಂಗಡಿಯಾಗಿ ಬಳಸುವುದರಿಂದ ನರಗಳ ಕಾಯಿಲೆ ಮತ್ತು ಹೃದಯ ಸಂಬಂಧಿ ಕಾಯಿಲೆಗಳು ಉಂಟಾಗಬಹುದು.
*ಓದುವಾಗ ಅಥವಾ ಕೆಲಸ ಮಾಡುವಾಗ ಉತ್ತರ ಅಥವಾ ಪೂರ್ವಕ್ಕೆ ಮುಖ ಮಾಡಿ. ಇದು ಉತ್ತಮ ಏಕಗ್ರತೆ
ಯನ್ನು ಹೆಚ್ಚಿಸುತ್ತೆ.
*ತುಳಸಿಯನ್ನು ನೆಡುವುದರಿಂದ ಮನೆಯಲ್ಲಿನ ಗಾಳಿಯು ಪರಿಶುದ್ದವಾಗುತದೆ . ರಬ್ಬರ್ ಸಸ್ಯ, ಕಳ್ಳಿ, ಬೋನ್ಸಾಯ್ ಮತ್ತು ಇತರ ಹಾಲಿನ ಸಸ್ಯಗಳಂತಹ ಸಸ್ಯಗಳನ್ನುನೆಡುವದನ್ನು ತಪ್ಪಿಸಿ. ಇವು ನಿಮ್ಮ ಅನಾರೋಗ್ಯವನ್ನು ಹೆಚ್ಚಿಸಬಹುದು.
*ನಿಮ್ಮ ಮನೆಯ ಈಶಾನ್ಯ ಮೂಲೆಯಲ್ಲಿ ಮೆಟ್ಟಿಲುಗಳನ್ನು ಅಥವಾ ಶೌಚಾಲಯಗಳನ್ನು ನಿರ್ಮಿಸಬೇಡಿ; ಇದು ಆರೋಗ್ಯಕ್ಕೆ ಸಂಬಂಧಿಸಿದ ಸಮಸ್ಯೆಗಳನ್ನು ಉಂಟುಮಾಡುತ್ತದೆ ಮತ್ತು ಮಕ್ಕಳ ಬೆಳವಣಿಗೆಯನ್ನು ಕುಂಠಿತಗೊಳಿಸುತ್ತದೆ.
ಮಲಗುವ ಕೋಣೆ ವಾಸ್ತು ಸಲಹೆಗಳು:
*ಮಲಗುವ ಕೋಣೆ ಮನೆಯ ನೈಋತ್ಯ ದಿಕ್ಕಿನಲ್ಲಿದ್ದರೆ ಆರೋಗ್ಯ ಹಾಗೂ ಸಂಪತ್ತು ಅಭಿವೃದ್ದಿಯಾಗುತ್ತದೆ.
ಹಾಗೂ ಮನೆಯ ಯಜಮಾನನೂ ದೀರ್ಘಾಯುಷಿಯಾಗುತ್ತಾನೆ. ಬೆಡ್‌ರೂಂ ಈಶಾನ್ಯ ಹಾಗೂ ಆಗ್ನೇಯ ದಿಕ್ಕಿನಲ್ಲಿರಬಾರದು.
*ಕನ್ನಡಿ ಮಲಗುವ ಕೋಣೆಯಲ್ಲಿರುವ ಕನ್ನಡಿ ಹಾಸಿಗೆಯ ಮುಂಭಾಗದಲ್ಲಿ ಇರಬಾರದು, ಮಲಗುವ ವ್ಯಕ್ತಿಯ ದೇಹವು ಕನ್ನಡಿಯಲ್ಲಿ ಪ್ರತಿಫಲಿಸಿದರೆ ಅಶುಭವೆಂದು ಹೇಳಲಾಗುತ್ತದೆ.
*ಕಂಪ್ಯೂಟರ್‌, ಮೊಬೈಲ್ ಮುಂತಾದ ಇಲೆಕ್ಟ್ರಾನಿಕ್‌ ವಸ್ತುಗಳು ಒತ್ತಡವನ್ನು ಹೆಚ್ಚಿಸುವಂತಹ ಸಾಧನಗಳು. ಜೊತೆಗೆ ಮೊಬೈಲ್, ಕಂಪ್ಯೂಟರ್‌ ಹೊರಸೂಸುವ ತರಂಗಾಂತರಗಳು ಆರೋಗ್ಯಕ್ಕೆ ಒಳ್ಳೆಯದಲ್ಲ.
*ನಿಮ್ಮ ರೂಂನಲ್ಲಿ ಮುರಿದ ಅಥವಾ ಹಾಳಾದ ವಸ್ತುಗಳನ್ನು ಇರಿಸಬೇಡಿ.
*ಬೆಡ್‌ರೂಂನಲ್ಲಿರುವ ಶೌಚಾಲಯವನ್ನು ಬಳಸಿದ ನಂತರ ಬಾಗಿಲು ಮುಚ್ಚುವುದನ್ನು ಮರೆಯದಿರಿ.
*ನೀವು ಮಲಗುವ ಕೋಣೆಯು ಮಹಡಿಯಲ್ಲಿದ್ದರೆ, ಅಡುಗೆ ಮನೆಯು ಸಮಾನವಾಗಿ ಕೆಳಗೆ ಇರಬಾರದು.
*ಉತ್ತಮ ನಿದ್ರೆಯನ್ನು ಹೊಂದಲು ಮೊಬೈಲ್ ಫೋನ್‌ಗಳು ಮತ್ತು ಇತರ ಗ್ಯಾಜೆಟ್‌ಗಳನ್ನು ಹಾಸಿಗೆಯಿಂದ ದೂರವಿಡಿ.
ಅಡಿಗೆ ವಾಸ್ತು ಸಲಹೆಗಳು:
*ಆಗ್ನೇಯ ದಿಕ್ಕನ್ನು ಅಡುಗೆ ಮಾಡಲುಸೂಕ್ತವೆಂದು ಪರಿಗಣಿಸಲಾಗಿದೆ.
*ಪೂರ್ವದಿಕ್ಕನ್ನು ಅಡುಗೆ ಮಾಡಲು ಮತ್ತುಊಟ ಮಾಡಲು ಉತ್ತಮ
ದಿಕ್ಕು ಎಂದು ಪರಿಗಣಿಸಲಾಗುತ್ತದೆ,
*ಶೌಚಾಲಯ ಮತ್ತು ಅಡುಗೆ ಕೋಣೆಯನ್ನು ಒಟ್ಟಿಗೆ ನಿರ್ಮಿಸುವುದನ್ನು ತಪ್ಪಿಸಬೇಕು. ಎರಡನ್ನು ಪರಸ್ಪರ ದೂರದಲ್ಲಿ ಇರಿಸಬೇಕು.
*ವಾಸ್ತು ಪ್ರಕಾರ ಮನೆಯಲ್ಲಿನ ಅಡುಗೆಮನೆ ಒಂದು ಮುಖ್ಯವಾದ ಸ್ಥಳ. ಹೀಗಾಗಿ ಕುಟುಂಬದ ಆರೋಗ್ಯಕ್ಕಾಗಿ ಜನರು ಅಡುಗೆಮನೆ ವಾಸ್ತು ಸೂಚನೆಗಳುನ್ನು ಕಟ್ಟುನಿಟ್ಟಾಗಿ ಪಾಲಿಸಬೇಕು.
