ನವದೆಹಲಿ; ಪ್ರತಿ ವರ್ಷ ದೀಪಾವಳಿಯ ನಂತರ ದೆಹಲಿ ಮತ್ತು ಎನ್‌ಸಿಆರ್‌ನಲ್ಲಿ ಗಾಳಿಯ ಗುಣಮಟ್ಟವು ಅತ್ಯಂತ ಕಳಪೆ ಮಟ್ಟವನ್ನು ತಲುಪುತ್ತದೆ. ಈಗಾಗಲೇ ದೆಹಲಿಯಲ್ಲಿ ವಾಯುಮಾಲಿನ್ಯ ವಿಪರಿತವಾಗಿದೆ. 2021 ರಲ್ಲಿ ಪಟಾಕಿಗಳ ಮೇಲಿನ ನಿಷೇಧದ ಹೊರತಾಗಿಯೂ, ದೆಹಲಿ ಮತ್ತು ಸುತ್ತಮುತ್ತಲಿನ ಪ್ರದೇಶಗಳಲ್ಲಿನ ಸ್ಥಳಗಳಿಗೆ ವಾಯು ಗುಣಮಟ್ಟ ಸೂಚ್ಯಂಕ (AQI) ಭಾರೀ ಕಳಪೆಯಾಗಿತ್ತು. ಕೇಂದ್ರ ಮಾಲಿನ್ಯ ನಿಯಂತ್ರಣ ಮಂಡಳಿ (CPCB) ಯ ಅಂಕಿಅಂಶಗಳ ಪ್ರಕಾರ ದೀಪಾವಳಿಯ ಮರುದಿನ ಐದು ವರ್ಷಗಳಲ್ಲಿಯೇ ಇದು 462 ದಾಟಿತ್ತು.
ವಾಯು ಮಾಲಿನ್ಯವನ್ನು ನಿಯಂತ್ರಿಸುವ ಉದ್ದೇಶದಿಂದ ಕಳೆದ ಕೆಲವು ವರ್ಷಗಳಲ್ಲಿ ನಿರ್ಮಾಣ ಕಾಮಗಾರಿಗಳ ಮೇಲೆ ನಿಷೇಧ ಹೇರಲಾಗಿದೆ. ಈ ವರ್ಷವೂ ಕೂಡ ಈ ಬಗ್ಗೆ ಆದೇಶ ಹೊರಬೀಳುತ್ತದೆ ಎಂದು ನಿರೀಕ್ಷಿಸಲಾಗಿದೆ.
ನಿರ್ಮಾಣ ಕಾಮಗಾರಿಗಳ ಮೇಲಿನ ನಿಷೇಧ ಹೇರುವುದರಿಂದ ರಿಯಲ್ ಎಸ್ಟೇಟ್ ಮೇಲೆ ಭಾರೀ ಪರಿಣಾಮ ಬೀರಲಿದೆ. ನಡೆಯುತ್ತಿರುವ ಯೋಜನೆಗಳಲ್ಲಿ ವಿಳಂಬ ಉಂಟಾಗುತ್ತದೆ. ಇದು ಮನೆ ಖರೀದಿದಾರರ ಮೇಲೆ ನೇರವಾಗಿ ಪರಿಣಾಮ ಬೀರುತ್ತದೆ ಎಂದು ತಜ್ಞರು ಅಭಿಪ್ರಾಯ ವ್ಯಕ್ತಪಡಿಸುತ್ತಾರೆ.
“ಗ್ರೇಡೆಡ್ ರೆಸ್ಪಾನ್ಸ್ ಆಕ್ಷನ್ ಪ್ಲಾನ್ (GRAP) ಅಡಿಯಲ್ಲಿ ನಿಷೇಧ ಮಾಡುವುದರಿಂದ, ನಿರ್ಮಾಣದ ಅನಿರ್ದಿಷ್ಟ ವಿಳಂಬಗಳಿಗೆ ಕಾರಣವಾಗುತ್ತದೆ. ಈ ವಿಳಂಬವು ಪ್ರಾಜೆಕ್ಟ್‌ಗಳಿಗೆ ಸಮಯ ವಿಸ್ತರಣೆ ಮತ್ತು ಖರೀದಿದಾರರಿಗೆ ಆಸಕ್ತಿಯನ್ನು ನೀಡುವಲ್ಲಿ ರಿಯಲ್ ಎಸ್ಟೇಟ್ ನಿಯಂತ್ರಣ ಪ್ರಾಧಿಕಾರಕ್ಕೆ (RERA) ತೊಡಕನ್ನು ಹೆಚ್ಚಿಸುತ್ತದೆ” ಎಂದು ಸಿಐಐ ದೆಹಲಿ ಉಪಸಮಿತಿ ರಿಯಲ್ ಎಸ್ಟೇಟ್, ನಗರಾಭಿವೃದ್ಧಿ ಮತ್ತು ಮೂಲಸೌಕರ್ಯದ ಸಂಚಾಲಕರು ಮತ್ತು ಯೂನಿಟಿ ಗ್ರೂಪ್ ಸಹ-ಸಂಸ್ಥಾಪಕ ಹರ್ಷ್ ವಿ ಬನ್ಸಾಲ್ ಹೇಳುತ್ತಾರೆ.
ಸರಾಸರಿಯಾಗಿ, ಎಲ್ಲಾ ನಿರ್ಮಾಣ ಚಟುವಟಿಕೆಗಳ ಮೇಲೆ ಒಂದು ತಿಂಗಳು ನಿಷೇಧ ಹೇರುವುದರಿಂದ ಕನಿಷ್ಟ ಮೂರು-ನಾಲ್ಕು ತಿಂಗಳುಗಳವರೆಗೆ ಯೋಜನೆ ವಿಳಂಬವಾಗುತ್ತದೆ ಎಂದು ಅನಾರಾಕ್ ಗ್ರೂಪ್‌ನ ಹಿರಿಯ ನಿರ್ದೇಶಕ ಮತ್ತು ಮುಖ್ಯಸ್ಥ ಪ್ರಶಾಂತ್ ಠಾಕೂರ್ ಹೇಳುತ್ತಾರೆ.
“ದೆಹಲಿ-ಎನ್‌ಸಿಆರ್‌ನಲ್ಲಿ ಪ್ರಸ್ತುತ 5,68,000 ವಸತಿ ಘಟಕಗಳು ನಿರ್ಮಾಣದ ವಿವಿಧ ಹಂತಗಳಲ್ಲಿವೆ. ಕಳಪೆ ಗಾಳಿಯ ಗುಣಮಟ್ಟಕ್ಕೆ ಪ್ರತಿಕ್ರಿಯೆಯಾಗಿ ರಾಷ್ಟ್ರೀಯ ಹಸಿರು ನ್ಯಾಯಮಂಡಳಿ (NGT), ಸರ್ಕಾರ ಅಥವಾ ಸುಪ್ರೀಂ ಕೋರ್ಟ್‌ನಿಂದ ಬರುವ ನಿರ್ಮಾಣ ನಿಷೇಧದ ಆದೇಶಗಳು ಗಂಭೀರ ಪರಿಣಾಮಗಳನ್ನು ಬೀರುತ್ತವೆ” ಎಂದಿದ್ದಾರೆ.
“ರೇರಾ-ನೋಂದಾಯಿತ ಯೋಜನೆಗಳನ್ನು ಸಾರ್ವಜನಿಕ ಹಿತಾಸಕ್ತಿ ಯೋಜನೆಗಳಾಗಿ ಪರಿಗಣಿಸಲು ನಾವು ಏರ್ ಕ್ವಾಲಿಟಿ ಮ್ಯಾನೇಜ್ಮೆಂಟ್ (CAQM) ಆಯೋಗಕ್ಕೆ ಮನವಿ ಮಾಡಿದ್ದೇವೆ. ಅದರ ಪ್ರಕಾರ, ಈ ಪರಿಷ್ಕೃತ ಮಾರ್ಗಸೂಚಿಗಳ ಅಡಿಯಲ್ಲಿ ವಿನಾಯಿತಿಗಾಗಿ ಪರಿಗಣಿಸಿ ಎಂದು ಹೇಳಿದ್ದೇವೆ” ಎಂದು ಮಾಹಿತಿ ನೀಡಿದ್ದಾರೆ.
2022 ರ Q3 ರಂತೆ ದೆಹಲಿ-NCR ಪ್ರದೇಶದಲ್ಲಿ ಕನಿಷ್ಠ 1,32,000 ಘಟಕಗಳು ನಿರ್ಮಾಣ ಹಂತದಲ್ಲಿವೆ.
ನಿರ್ಮಾಣ ನಿಷೇಧ ವಸತಿ ಬೆಲೆಗಳ ಮೇಲೆ ಹೇಗೆ ಪರಿಣಾಮ ಬೀರುತ್ತದೆ?
ಅನಾರಾಕ್ ರಿಸರ್ಚ್ ಪ್ರಕಾರ, ಒಟ್ಟಾರೆ ಆಸ್ತಿ ಬೆಲೆಗಳ ಮೇಲೆ ಈ ನಿರ್ಮಾಣ ನಿಷೇಧಗಳ ಪರಿಣಾಮವು ಬಹುತೇಕ ನಗಣ್ಯವಾಗಿರುತ್ತದೆ.
ದೆಹಲಿ ರೇರಾ ಸಹ ಏರ್ ಕ್ವಾಲಿಟಿ ಮ್ಯಾನೇಜ್ಮೆಂಟ್ ಆಯೋಗದ ಅಧ್ಯಕ್ಷರಿಗೆ ಪತ್ರ ಬರೆದಿದೆ. ಮಾಲಿನ್ಯದ ಕಾರಣದಿಂದಾಗಿ ರೇರಾ ನೋಂದಾಯಿತ ಯೋಜನೆಗಳ ನಿರ್ಮಾಣಗಳನ್ನು ನಿಷೇಧಿಸುವುದನ್ನು ತಡೆಯಲು ವಿನಂತಿಸಿದೆ. ನಿಷೇಧವು ಮನೆ ಖರೀದಿದಾರರಿಗೆ ಮನೆಗಳ ಸಕಾಲಿಕ ವಿತರಣೆಯ ಮೇಲೆ ಕೆಟ್ಟ ಪರಿಣಾಮ ಬೀರುತ್ತದೆ ಎಂದು ತಿಳಿಸಿದೆ.
“ರೇರಾ ನೋಂದಾಯಿತ ಯೋಜನೆಗಳನ್ನು ಹಂಚಿಕೆದಾರರ ಹಿತಾಸಕ್ತಿಯಿಂದ ನಿರ್ದಿಷ್ಟ ಅವಧಿಗೆ ಸರಿಯಾಗಿ ಪೂರ್ಣಗೊಳಿಸಬೇಕಾಗಿರುವುದರಿಂದ, ಗ್ರಾಪ್ ಅಡಿಯಲ್ಲಿ ಬರುವ ಯೋಜನೆಗಳಿಗೆ ನಿಷೇಧದಿಂದ ವಿನಾಯಿತಿ ನೀಡುವಂತೆ ನಾನು ನಿಮ್ಮನ್ನು ವಿನಂತಿಸುತ್ತೇನೆ” ಎಂದು ದೆಹಲಿ ರೇರಾ ಅಧ್ಯಕ್ಷ ಆನಂದ್ ಕುಮಾರ್ ಸೆಪ್ಟೆಂಬರ್ 29 ರಂದು CAQM ಗೆ ಪತ್ರ ಬರೆದಿದ್ದಾರೆ.
