ಇಡೀ ದಿನದ ಎಲ್ಲಾ ಒತ್ತಡ, ಜಂಜಾಟಗಳ ಮರೆಸುವ ಶಕ್ತಿ ಇರುವ, ಮನಸ್ಸಿಗೆ, ದೇಹಕ್ಕೆ ವಿಶ್ರಾಂತಿ ನೀಡುವ ಏಕೈಕ ಸ್ಥಳವೆಂದರೆ ಅದುವೇ ಮಲಗುವ ಕೋಣೆ. ಇಲ್ಲಿ ನಿದ್ರೆಗೆ ಜಾರಿ ಎದ್ದರೆ, ಮನಸ್ಸು, ದೇಹ ಉಲ್ಲಾಸಿತಗೊಳ್ಳುವುದಲ್ಲದೇ ನಮ್ಮ ಶಕ್ತಿಯನ್ನು ಮರು ಚೈತನ್ಯಗೊಳಿಸಿಕೊಳ್ಳಲೂಬಹುದು.
ಸಾಮಾನ್ಯವಾಗಿ ಮಲಗುವ ಕೋಣೆಯನ್ನು ನಿದ್ರೆ-ಪ್ರಚೋದಕ ಸ್ಥಳಗಳು ಎಂದು ಪರಿಗಣಿಸಲಾಗಿರುವುದರಿಂದ ಮಲಗುವ ಕೋಣೆಗಳ ದುಷ್ಪರಿಣಾಮಗಳ ಬಗ್ಗೆ ನಾವು ಮರೆತು ಆರಾಮವಾಗಿ ನಿದ್ರಿಸುತ್ತಿದ್ದೇವೆ. ಆದರೆ ಕೋಣೆಯಲ್ಲಿ VOC (Volatile Organic Compound- ಬಾಷ್ಪಶೀಲ ಸಾವಯವ ಸಂಯುಕ್ತಗಳು) ಹೊರಸೂಸುವ ವಸ್ತುಗಳಿಂದ ತುಂಬಿರುತ್ತವೆ. ಇದು ಅನಾರೋಗ್ಯಕ್ಕೆ ಮೂಲ ಕಾರಣಗಳಾಗಿವೆ.
ತ್ವಚೆ, ಆರೋಗ್ಯಕರ ಆಹಾರದ ವಿಷಯಕ್ಕೆ ಬಂದಾಗ, ಪರಿಸರ ಸ್ನೇಹಿ ಅಥವಾ ಸಾವಯವ ವಸ್ತುಗಳು ಸುರಕ್ಷಿತವೆಂದು ಭಾವಿಸಲಾಗಿರುವುದರಿಂದ ಎಲ್ಲರೂ ಸಾವಯವ ಅಂಶ, ವಸ್ತುಗಳಿಗೆ ಆದ್ಯತೆ ನೀಡುತ್ತಿದ್ದೇವೆ. ಅಂತೆಯೇ, ನಾವು ಮಲಗುವ ಕೋಣೆಯಲ್ಲಿಯೂ ಪರಿಸರ ಸ್ನೇಹಿ ಹಾಸಿಗೆಗಳನ್ನು ಬಳಸುವ ಮೂಲಕ ನಮ್ಮ ಜೀವನಶೈಲಿಯನ್ನು ಉತ್ತಮಗೊಳಿಸಬಹುದು ಮತ್ತು ನಮ್ಮ ವಿಶ್ರಾಂತಿ ಸಮಯವನ್ನು ಕಳೆಯಬಹುದು.
ಸ್ಪ್ರಿಂಗ್ ಫಿಟ್ ನ ಮಾರಾಟ ಮತ್ತು ಮಾರ್ಕೆಟಿಂಗ್ ನಿರ್ದೇಶಕ ಸತೀಶ್ ಕುಮಾರ್ ಮಲ್ಹೋತ್ರಾ ಹೇಳೋದೇನು?
ಸತೀಶ್ ಕುಮಾರ್ ಮಲ್ಹೋತ್ರಾ ಅವರು ಕೂಡ ಪರಿಸರ ಸ್ನೇಹಿ ಹಾಸಿಗೆಗಳ ಬಳಕೆಗೆ ಒತ್ತು ನೀಡುತ್ತಾರೆ. ಏಕೆಂದರೆ ಪರಿಸರ ಸ್ನೇಹಿ ಹಾಸಿಗೆಗಳು ವಿಷಕಾರಿ ಮುಕ್ತವಾಗಿವೆ. ಅದು ಸಂಪೂರ್ಣವಾಗಿ ಪರಿಸರಕ್ಕೆ ಹಾನಿಕಾರಕವಲ್ಲದ ಜೈವಿಕ ವಸ್ತುಗಳಿಂದ ಮಾಡಲ್ಪಟ್ಟಿದೆ. ಈ ಹಾಸಿಗೆಗಳು ಪರಿಸರ ಸ್ನೇಹಿಯಾಗುವುದರ ಜೊತೆಗೆ ಮಲಗಲು ಸಹ ಆರಾಮದಾಯಕವಾಗಿದೆ. ಪರಿಸರ ಸ್ನೇಹಿ ಹಾಸಿಗೆಗಳ ತಯಾರಿಕೆಯಲ್ಲಿ ಬಳಸಲಾಗುವ ವಸ್ತುಗಳು ಮುಖ್ಯವಾಗಿ ಜೈವಿಕ ವಿಘಟನೀಯ ಮತ್ತು ಸಮರ್ಥನೀಯವಾಗಿವೆ. ಅಂದರೆ ಅವುಗಳನ್ನು ಎಸೆದಾಗಲೂ ಪರಿಸರದ ಮೇಲೆ ಯಾವುದೇ ಋಣಾತ್ಮಕ ಪರಿಣಾಮವನ್ನು ಬಿಡುವುದಿಲ್ಲ.
ಸಾಮಾನ್ಯ ಹಾಸಿಗೆಗಳು ರಾಸಾಯನಿಕಗಳು ಮತ್ತು ಹಾನಿಕಾರಕ ಪದಾರ್ಥಗಳಿಂದ ತಯಾರು ಮಾಡಿರುವುದರಿಂದ, ಕೆಲವರಿಗೆ ಅಲರ್ಜಿ, ದೇಹದ ಮೇಲೆ ತುರಿಕೆ, ದದ್ದುಗಳು ಅಥವಾ ಹುಣ್ಣುಗಳು ಉಂಟಾಗಬಹುದು. ಪರಿಸರ ಸ್ನೇಹಿ ಹಾಸಿಗೆಗಳನ್ನು ಸಾವಯವ ಹತ್ತಿ, ಶುದ್ಧ ಉಣ್ಣೆ, ಬಟ್ಟೆಗಳು ಮತ್ತು ಫೈಬರ್‌ಗಳು ಮತ್ತು ಸಮರ್ಥನೀಯ ಫೋಮ್‌ಗಳಿಂದ ತಯಾರಿಸಲಾಗುತ್ತದೆ, ಇದು ಅಲರ್ಜಿಗಳು ಅಥವಾ ತುರಿಕೆಗೆ ಕಾರಣವಾಗುವುದಿಲ್ಲ.
ಪರಿಸರ ಸ್ನೇಹಿ ಹಾಸಿಗೆಗಳು ನೈಸರ್ಗಿಕ ತಾಪಮಾನ ನಿಯಂತ್ರಕಗಳಾಗಿವೆ, ಇದು ತೇವಾಂಶವನ್ನು ಹೀರಿಕೊಳ್ಳುವ ಮೂಲಕ ಬೇಸಿಗೆಯಲ್ಲಿ ತಂಪಾಗಿರುತ್ತದೆ ಮತ್ತು ಚಳಿಗಾಲದಲ್ಲಿ ಸ್ವಲ್ಪ ಬಿಸಿಯಾಗಿರುತ್ತದೆ. ಸಾಮಾನ್ಯ ಹಾಸಿಗೆಗಳಿಗೆ ಹೋಲಿಸಿದರೆ ಸಾವಯವ ಹಾಸಿಗೆಗಳು ಹೆಚ್ಚು ಬಾಳಿಕೆ ಬರುತ್ತವೆ ಏಕೆಂದರೆ ಅವುಗಳ ತಯಾರಿಕೆಯಲ್ಲಿ ಬಳಸುವ ನೈಸರ್ಗಿಕ ನಾರುಗಳು.
ಸಾಮಾನ್ಯ ಹಾಸಿಗೆಗಳು 7 ರಿಂದ 8 ವರ್ಷಗಳವರೆಗೆ ಮಾತ್ರ ಬಳಕೆಗೆ ಬರುತ್ತದೆ. ಆದರೆ ನೈಸರ್ಗಿಕ ಹಾಸಿಗೆಗಳನ್ನು ಸುಮಾರು 20 ವರ್ಷಗಳ ವರೆಗೆ ಬಳಕೆ ಮಾಡಬಹುದು. ಪರಿಸರ ಸ್ನೇಹಿ ಹಾಸಿಗೆಗಳನ್ನು ಬಳಸುವುದು ಪರಿಸರದ ಸ್ಥಿತಿಯನ್ನು ಸುಧಾರಿಸಲು ಸಹಾಯ ಮಾಡುತ್ತದೆ ಆದರೆ ಸಾಕಷ್ಟು ಆರೋಗ್ಯ ಪ್ರಯೋಜನಗಳನ್ನು ಒದಗಿಸುತ್ತದೆ, ಉತ್ತಮ ಜೀವನಶೈಲಿ ಮತ್ತು ಸುಸ್ಥಿರ ಜೀವನಕ್ಕೆ ಕಾರಣವಾಗುತ್ತದೆ ಎಂಬುದು ಸತೀಶ್ ಕುಮಾರ್ ಮಲ್ಹೋತ್ರಾ ಅವರ ಅಭಿಮತ.
ಡರ್ಫಿ ರೀಟೈಲ್ ಪ್ರೈವೇಟ್ ಲಿಮಿಟೆಡ್‌ನ ಸಂಸ್ಥಾಪಕ ನಿತಿನ್ ಗುಪ್ತಾ ಪರಿಸರ ಸ್ನೇಹಿ ಹಾಸಿಗೆಗೆ ಒತ್ತು ನೀಡುತ್ತಿರುವುದೇಕೆ?
ಬಹುತೇಕ ಪರಿಸರ ಸ್ನೇಹಿವಲ್ಲದ ಹಾಸಿಗೆ ವಸ್ತುಗಳು ಜೈವಿಕ ವಿಘಟನೀಯವಾದುದಲ್ಲ. ಇವು ದಶಕಗಳಿಂದ ಅಥವಾ ಶತಮಾನಗಳಿಂದ ಪರಿಸರಕ್ಕೆ ಸೋರಿಕೆಯಾಗುವ ಹಲವಾರು ರಾಸಾಯನಿಕಗಳನ್ನು ಒಳಗೊಂಡಿರುವುದು ಸಮಸ್ಯೆಯನ್ನು ಇನ್ನಷ್ಟು ಹದಗೆಡಿಸುತ್ತದೆ. ಹಾಗಾಗಿ ನಿಮ್ಮ ಮಲಗುವ ಕೋಣೆಯಲ್ಲಿ ಪರಿಸರ ಸ್ನೇಹಿ ಹಾಸಿಗೆಯಿರಲಿ. ಸುಸ್ಥಿರ ಹಾಸಿಗೆ ಕೇವಲ ಪರಿಸರ ಸ್ನೇಹಿಯಾಗಿರುವುದಿಲ್ಲ ಜೊತೆಗೆ ನೆಮ್ಮದಿಯ ನಿದ್ರೆಗೆ ಸಹಕಾರಿಯಾಗುತ್ತದೆ.
ಪರಿಸರ ಸ್ನೇಹಿ ಹಾಸಿಗೆ ಜನರು ಬಿಡುವಿಲ್ಲದ ಸಮಯದಲ್ಲೂ, ಒತ್ತಡದ ವೇಳೆಯಲ್ಲೂ ಆರಾಮವಾಗಿ ನಿದ್ರೆ ಮಾಡಬಹುದು. ಒಟ್ಟಾರೆ ಯೋಗಕ್ಷೇಮವನ್ನು ಸುಧಾರಿಸುವಲ್ಲಿ ಮತ್ತಷ್ಟು ಸಹಾಯ ಮಾಡುತ್ತದೆ. ಸಾಂಪ್ರದಾಯಿಕ ಹಾಸಿಗೆಗಳಿಗೆ ಹೋಲಿಸಿದರೆ, ಈ ಹಾಸಿಗೆಗಳು ಹೆಚ್ಚು ಸಮಂಜಸವಾದ, ಸಾವಯವ ಮತ್ತು ಆರಾಮದಾಯಕ ಮತ್ತು ಕಡಿಮೆ ಅಪಾಯಕಾರಿ.
ಇದು ಸಾವಧಾನತೆಯನ್ನು ಉತ್ತೇಜಿಸಲು ಸಹಾಯ ಮಾಡುತ್ತದೆ, ಇದು ಆಲೋಚನೆಗಳ ಅರಿವು ಮತ್ತು ಸಕಾರಾತ್ಮಕ ದೈಹಿಕ ಸಂವೇದನೆಗಳನ್ನು ಹೆಚ್ಚಿಸುತ್ತದೆ ಮತ್ತು ದಿನದ ಕೊನೆಯಲ್ಲಿ, ನಿಮ್ಮ ಇಂಗಾಲದ ಪ್ರಭಾವವನ್ನು ಕಡಿಮೆ ಮಾಡಲು ಇದು ಅತ್ಯುತ್ತಮ ಆಯ್ಕೆಯಾಗಿದೆ.
