ನವದೆಹಲಿ, ಜ. 17: ಭಾರತದ ಅತಿ ಶ್ರೀಮಂತರಾದ ಶೇಕಡಾ 1ರಷ್ಟು ಜನರು ದೇಶದ 40 ಶೇಕಡಾ ಸಂಪತ್ತನ್ನು ಹೊಂದಿದ್ದಾರೆ. ಆಕ್ಸ್ ಫಾಮ್ ಅಂತಾರಾಷ್ಟ್ರೀಯ ಅಸಮಾನತೆ ಅಂಕಿ ಅಂಶ ಸಂಸ್ಥೆಯು ಈ ಹೊಸ ಸಂಶೋಧನೆಯನ್ನು ಬಿಡುಗಡೆ ಮಾಡಿದೆ.ದಾವೋಸ್‌ನಲ್ಲಿ ನಡೆದ ವಿಶ್ವ ಆರ್ಥಿಕ ವೇದಿಕೆಯ ವಾರ್ಷಿಕ ಸಭೆಯ ಮೊದಲ ದಿನದಂದು ಹಕ್ಕುಗಳ ಗುಂಪಿನ ಆಕ್ಸ್‌ಫ್ಯಾಮ್ ಇಂಟರ್‌ನ್ಯಾಷನಲ್‌ನ ವಾರ್ಷಿಕ ಅಸಮಾನತೆಯ ವರದಿಯ ಭಾರತ ಪೂರಕವನ್ನು ಬಿಡುಗಡೆ ಮಾಡಲಾಯಿತು. ಭಾರತದ 10 ಅಗ್ರ ಬಿಲಿಯನೇರ್‌ಗಳಿಗೆ ಶೇಕಡಾ 5 ರಷ್ಟು ತೆರಿಗೆ ವಿಧಿಸಿದರೆ ಮಕ್ಕಳನ್ನು ಮರಳಿ ಶಾಲೆಗೆ ಕರೆತರಲು ಬೇಕಾದ ಹಣವನ್ನು ಸಂಗ್ರಹಿಸಬಹುದು ಎಂದು ಹಕ್ಕುಗಳ ಗುಂಪು ಹೇಳಿಕೊಂಡಿದೆ.
ಸಂಪತ್ತಿನ ಮೇಲೆ ತೆರಿಗೆಯನ್ನು ವಿಧಿಸಿದರೆ ಸರ್ಕಾರದ ಆದಾಯ ಹೆಚ್ಚುತ್ತದೆ ಎಂದು ಆಕ್ಸ್‌ಫ್ಯಾಮ್ ಶಿಫಾರಸ್ಸು ಮಾಡಿದೆ. ಈ ಆದಾಯವನ್ನು ದೇಶದ ಅಭಿವೃದ್ಧಿಗೆ ಬಳಸಬಹುದು ಎಂದಿದೆ. ಉದಾಹರಣೆಗೆ ಭಾರತದ ಅತ್ಯಂತ ಶ್ರೀಮಂತ ವ್ಯಕ್ತಿಯಾದ2017- 21ರ ನಡುವೆ ಗೌತಮ್ ಅದಾನಿ ಒಬ್ಬರೇ 1.79 ಲಕ್ಷ ಹೆಚ್ಚುವರಿ ಕೂಡಿ ಹಾಕಿದ್ದಾರೆ. ಭಾರತದ ಕೋಟ್ಯಾಧೀಶರು ಹಿಂದೆ 5% ತೆರಿಗೆ ತೆರಬೇಕಿತ್ತು. ಈಗ 2% ತೆರಿಗೆ ಕೊಟ್ಟರೆ ಮುಗಿಯಿತು. ಇನ್ನು ಗಂಡಸರ ಸರಾಸರಿ 1 ರೂಪಾಯಿ ಗಳಿಕೆಗೆ ಮಹಿಳೆಯರ ಗಳಿಕೆ 63 ಪೈಸೆ ಇದ್ದು, ಇಲ್ಲೂ ಅಸಮಾನತೆ ಹೆಚ್ಚಾಗುತ್ತಲೇ ಇದೆ. ಭಾರತದ ಬಿಲಿಯಾಧೀಶರ ಸಂಖ್ಯೆಯು 2020ರಲ್ಲಿ 102 ಇದ್ದುದು 2022ರಲ್ಲಿ 166ಕ್ಕೆ ಏರಿದೆ.ವರದಿಯ ಪ್ರಕಾರ, ಭಾರತದ ಶತಕೋಟ್ಯಾಧಿಪತಿಗಳ ಸಂಪೂರ್ಣ ಸಂಪತ್ತಿನ ಮೇಲೆ ಶೇಕಡಾ 2 ರಷ್ಟು ತೆರಿಗೆ ವಿಧಿಸಿದರೆ ಮುಂದಿನ ಮೂರು ವರ್ಷಗಳವರೆಗೆ ಭಾರತದಲ್ಲಿ ಅಪೌಷ್ಟಿಕತೆಯ ಪೋಷಣೆಗಾಗಿ 40,423 ಕೋಟಿ ರೂ.ಗಳ ಅಗತ್ಯವನ್ನು ಪೂರೈಸಬಹುದು.
