ಬ್ಯಾಂಕುಗಳು ನಮ್ಮ ದೇಶದ ಹಣಕಾಸು ವ್ಯವಸ್ಥೆಯ ಆಧಾರ ಸ್ತಂಭಗಳು. ಇವು ಸುಭದ್ರವಾಗಿದ್ದರೆ ಹಣಕಾಸು ಪರಿಸ್ಥಿತಿ ಭದ್ರವಾಗಿದ್ದಂತೆ. ಈಗ ಬ್ಯಾಂಕುಗಳಿಗೆ ಬಂಡವಾಳ ಬೇಕಾಗಿದೆ.ಹೂಡಿಕೆಗೆ ಸ್ಥಿರ ಠೇವಣಿ (FD) ಕೂಡ ಒಂದು ಉತ್ತಮ ಆಯ್ಕೆಯಾಗಿದೆ. ಎಸ್ಬಿಐ (SBI), ಎಚ್ಡಿಎಫ್ಸಿ (HDFC), ಐಸಿಐಸಿಐ ಬ್ಯಾಂಕ್ (ICICI Bank) ಹಾಗೂ ಇತರ ಕೆಲವು ಬ್ಯಾಂಕ್ಗಳು ಕಳೆದ ಕೆಲವು ತಿಂಗಳುಗಳಲ್ಲಿ ಹಿರಿಯ ನಾಗರಿಕರ ಮತ್ತು ಜನಸಾಮಾನ್ಯರ ಎಫ್ಡಿ ಬಡ್ಡಿ ದರವನ್ನು (FD Rates) ಹೆಚ್ಚಿಸಿವೆ. ಆರ್ಬಿಐ ಮೇ ತಿಂಗಳ ಬಳಿಕ ಈವರೆಗೆ ಒಟ್ಟಾರೆಯಾಗಿ ರೆಪೊ ದರವನ್ನು 225 ಮೂಲಾಂಶ ಹೆಚ್ಚಳ ಮಾಡಿದೆ. ಪರಿಣಾಮವಾಗಿ ವಿವಿಧ ಬ್ಯಾಂಕ್ಗಳಲ್ಲಿ ಸಾಲದ ಮೇಲಿನ ಹಾಗೂ ಠೇವಣಿಗಳ ಮೇಲಿನ ಬಡ್ಡಿ ದರವೂ ತುಸು ಹೆಚ್ಚಾಗಿದೆ. ಎಸ್ಬಿಐ, ಎಚ್ಡಿಎಫ್ಸಿ ಬ್ಯಾಂಕ್,ಇತರ ಬ್ಯಾಂಕುಗಳು ಹಿರಿಯ ನಾಗರಿಕರ ಎಫ್ಡಿಗೆ ನೀಡುತ್ತಿರುವ ಬಡ್ಡಿ ವಿವರ ಇಲ್ಲಿದೆ.
1.ಎಚ್ಡಿಎಫ್ಸಿ ಬ್ಯಾಂಕ್ ಹಿರಿಯ ನಾಗರಿಕರ ಎಫ್ಡಿ ಬಡ್ಡಿ ದರ ಎಚ್ಡಿಎಫ್ಸಿ ಬ್ಯಾಂಕ್ 7 ದಿನಗಳಿಂದ 10 ವರ್ಷಗಳ ವರೆಗಿನ ವಿವಿಧ ಅವಧಿಯ ಹಿರಿಯ ನಾಗರಿಕರ ಎಫ್ಡಿಗೆ ಶೇಕಡಾ 3.5ರಿಂದ 7.75ರ ವರೆಗೆ ಬಡ್ಡಿ ನೀಡುತ್ತಿದೆ. ಪರಿಷ್ಕೃತ ಬಡ್ಡಿ ದರ ಡಿಸೆಂಬರ್ 14ರಿಂದ ಜಾರಿಯಲ್ಲಿದೆ.
2.ಯುನಿಟಿ ಸ್ಮಾಲ್ ಫೈನಾನ್ಸ್ ಬ್ಯಾಂಕ್ ನವೆಂಬರ್ 21ರಿಂದ ಅನ್ವಯವಾಗುವಂತೆ ಎಫ್ಡಿ ಬಡ್ಡಿ ದರವನ್ನು ಶೇಕಡಾ 8.50ರ ವರೆಗೆ ಹೆಚ್ಚಿಸಿದೆ. ಹಿರಿಯ ನಾಗರಿಕರ ಎಫ್ಡಿಗೆ ಶೇಕಡಾ 9ರ ಬಡ್ಡಿ ನಿಗದಿಪಡಿಸಿದೆ. ಎಫ್ಡಿ ಅವಧಿ 181ರಿಂದ 501 ದಿನಗಳವರೆಗಿನದ್ದಾಗಿದೆ.
3.ಉಜ್ಜೀವನ್ ಸ್ಮಾಲ್ ಫೈನಾನ್ಸ್ ನವೆಂಬರ್ 5ರಿಂದ ಜಾರಿಗೆ ಬರುವಂತೆ ಎಫ್ಡಿ ಬಡ್ಡಿ ದರವನ್ನು ಶೇಕಡಾ 8ರ ವರೆಗೆ ಹೆಚ್ಚಿಸಿದೆ. ಹಿರಿಯ ನಾಗರಿಕರ ಎಫ್ಡಿಗೆ ಶೇಕಡಾ 8.75ರ ವರೆಗೆ ಬಡ್ಡಿ ಸಿಗುತ್ತದೆ. ಎಫ್ಡಿ ಅವಧಿ 80 ವಾರಗಳದ್ದಾಗಿದೆ.
4.ಫಿನ್ಕೇರ್ ಸ್ಮಾಲ್ ಫೈನಾನ್ಸ್ ಬ್ಯಾಂಕ್ ನವೆಂಬರ್ 22ರಿಂದ ಜಾರಿಗೆ ಬರುವಂತೆ ಎಫ್ಡಿ ಬಡ್ಡಿ ದರವನ್ನು ಶೇಕಡಾ 8ರ ವರೆಗೆ ಹೆಚ್ಚಿಸಿದೆ. ಹಿರಿಯ ನಾಗರಿಕರ ಎಫ್ಡಿಗೆ ಶೇಕಡಾ 8.50 ವರೆಗೆ ಬಡ್ಡಿ ನಿಗದಿಪಡಿಸಿದೆ. ಎಫ್ಡಿ ಅವಧಿ 1000 ದಿನಗಳದ್ದಾಗಿದೆ.
5.ಇಎಸ್ಎಎಫ್ ಸ್ಮಾಲ್ ಫೈನಾನ್ಸ್ ಬ್ಯಾಂಕ್ ಡಿಸೆಂಬರ್ 15ರಿಂದ ಜಾರಿಗೆ ಬರುವಂತೆ ಎಫ್ಡಿ ಬಡ್ಡಿ ದರವನ್ನು ಶೇಕಡಾ 8ರ ವರೆಗೆ ಹೆಚ್ಚಿಸಿದೆ. ಹಿರಿಯ ನಾಗರಿಕರ ಎಫ್ಡಿಗೆ ಶೇಕಡಾ 8.50 ವರೆಗೆ ಬಡ್ಡಿ ನೀಡುತ್ತಿದೆ. ಎಫ್ಡಿ ಅವಧಿ 999 ದಿನಗಳದ್ದಾಗಿದೆ.
