31.8 C
Bengaluru
Friday, April 12, 2024

ಪಾಸ್ ಪೋರ್ಟ್ ಗೆ ಅಪ್ಲೈ ಮಾಡಿಕೊಳ್ಳುವವರಿ ಈ ವಿಚಾರವನ್ನು ತಿಳಿಯಿರಿ..

ಬೆಂಗಳೂರು, ಆ. 12 : ಪಾಸ್ಪೋಟ್ ಗಳನ್ನು ನವೀಕರಿಸುವುದು ಹಾಗೂ ಪಡೆಯುವುದು ಬಹ ಸುಲಭವಾಗಿದೆ. ಪಾಸ್ಪೋರ್ಟ್ ವಿತರಣಾ ವ್ಯವಸ್ಥೆಯನ್ನು ಮತ್ತಷ್ಟು ಸುಗಮಗೊಳಿಸಲು ಮತ್ತು ವೇಗಗೊಳಿಸಲು ಈ ಆಪ್ ಅನ್ನು ಪರಿಚಯಿಸಿರುವುದಾಗಿ ವಿದೇಶಾಂಗ ವ್ಯವಹಾರಗಳ ಸಚಿವಾಲಯ ಪ್ರಕಟಿಸಿದೆ. ಪ್ರಕ್ರಿಯೆಯನ್ನು ಸುಗಮಗೊಳಿಸಲು ಮತ್ತು ವೇಗಗೊಳಿಸಲು ಹಲವಾರು ಕ್ರಮಗಳನ್ನು ತೆಗೆದುಕೊಳ್ಳಲಾಗಿದೆ. ಪ್ರಕ್ರಿಯೆಯನ್ನು ಮತ್ತಷ್ಟು ವೇಗಗೊಳಿಸಲು, ವಿದೇಶಾಂಗ ವ್ಯವಹಾರಗಳ ಸಚಿವಾಲಯವು ಈ ಅಪ್ಲಿಕೇಶನ್ ಅನ್ನು ಪರಿಚಯಿಸಿದೆ.

ಕೇಂದ್ರ ಸರ್ಕಾರ ಈಗ ಸುಲಭವಾಗಿ ಪಾಸ್ ಪೋರ್ಟ್ ಮಾಡಿಸಲು ಆಪ್ ಒಂದನ್ನು ಬಿಡುಗಡೆ ಮಾಡಿದೆ. ಅದು ಯಾವು.? ಆ ಆಪ್ ಹೇಗೆ ಕೆಲಸ ಮಾಡುತ್ತೆ ಎಂಬುದನ್ನು ತಿಳಿಯೋಣ ಬನ್ನಿ. ಪಾಸ್ಪೋರ್ಟ್ ಪರಿಶೀಲನೆ ಪ್ರಕ್ರಿಯೆಯನ್ನು ವೇಗಗೊಳಿಸಲು ಕೇಂದ್ರ ಸರ್ಕಾರ ‘mPassport police app’ ಅನ್ನು ಪ್ರಾರಂಭಿಸಿದೆ. ಇದರ ಮೂಲಕ ಪಾಸ್ಪೋರ್ಟ್ ಪರಿಶೀಲನೆ ಪ್ರಕ್ರಿಯೆಯನ್ನು ಸುಗಮಗೊಳಿಸಲಾಗಿದೆ. ಈ ಆಪ್ ಮೂಲಕ ಕಾರ್ಯ ನಿರ್ವಹಿಸಲು ಪಾಸ್ ಪೋರ್ಟ್ ಶಾಖೆಯ ಸಿಬ್ಬಂದಿಗೆ 350 ಮೊಬೈಲ್ ಟ್ಯಾಬ್ಲೆಟ್ಗಳನ್ನು ವಿತರಿಸಲಾಗಿದೆ.

ಇದರಲ್ಲಿ ಪೊಲೀಸ್ ಪರಿಶೀಲನೆ ಮತ್ತು ವರದಿ ಸಲ್ಲಿಕೆಯ ಸಂಪೂರ್ಣ ಪ್ರಕ್ರಿಯೆಯನ್ನು ಡಿಜಿಟಲೀಕರಣವಾಗಲಿದ್ದು, ಪೇಪರ್ ಲೆಸ್ ಆಗಿರುತ್ತದೆ. ಟ್ಯಾಬ್ಲೆಟ್ ಬಳಸುವುದರಿಂದ ಪರಿಶೀಲನೆಗಳು 15 ದಿನಗಳಿಂದ ಐದು ದಿನಗಳವರೆಗೆ ಕಡಿಮೆ ಮಾಡುತ್ತದೆ. ಪರಿಣಾಮಕಾರಿಯಾಗಿ ಪಾಸ್ಪೋರ್ಟ್ ವಿತರಣೆಯ ಗಡುವನ್ನು 10 ದಿನಗಳವರೆಗೆ ಕಡಿಮೆ ಮಾಡುತ್ತದೆ. ಪ್ರಾದೇಶಿಕ ಪಾಸ್ಪೋರ್ಟ್ ಕಛೇರಿಯು ಸಮರ್ಥ ಸೇವಾ ವಿತರಣೆ ಮತ್ತು ‘ಡಿಜಿಟಲ್ ಇಂಡಿಯಾ’ಕ್ಕೆ ಬದ್ಧವಾಗಿದೆ.

ಈ ಹಿಂದೆ ದೆಹಲಿಯಲ್ಲಿ 14 ದಿನಗಳಲ್ಲಿ ಪೊಲೀಸ್ ವೆರಿಫಿಕೇಶನ್ ಮಾಡುವ ಕಾಲಮಿತಿಯನ್ನು ನಿಗದಿಪಡಿಸಲಾಗಿತ್ತು. ಇದರಲ್ಲಿ ಪರಿಶೀಲನೆಗಾಗಿ ಅರ್ಜಿ ಸ್ವೀಕರಿಸಿದ ನಂತರ ಸ್ಥಳೀಯ ಪೊಲೀಸ್ ಠಾಣೆಯ ಪೊಲೀಸ್ ಸಿಬ್ಬಂದಿ ಅರ್ಜಿದಾರರ ಮನೆಗೆ ಹೋಗುತ್ತಿದ್ದರು. ಇದರ ನಂತರ ಅವರು ವರದಿಯನ್ನು ಸಿದ್ಧಪಡಿಸುತ್ತಿದ್ದರು. ನಂತರ ಅದನ್ನು ಆಫ್ಲೈನ್ ಮೋಡ್ನಲ್ಲಿ ಕಳುಹಿಸುತ್ತಿದ್ದರು. ಈ ಸಂಪೂರ್ಣ ಪ್ರಕ್ರಿಯೆಯು ಎರಡು ವಾರಗಳಿಗಿಂತ ಹೆಚ್ಚು ಸಮಯ ತೆಗೆದುಕೊಳ್ಳುತ್ತದೆ.

ಈಗ ತಂತ್ರಜ್ಞಾನವನ್ನು ಹೊಸ ಪ್ರಕ್ರಿಯೆಯಲ್ಲಿ ಬಳಸಲಾಗುವುದು. ಈ ಸಂಪೂರ್ಣ ಪ್ರಕ್ರಿಯೆಯು ಕಾಗದರಹಿತವಾಗಿರುತ್ತದೆ. ವಿದೇಶಾಂಗ ಸಚಿವಾಲಯ ರಚಿಸಿರುವ ಆ್ಯಪ್ ಅನ್ನು ಟ್ಯಾಬ್ನಲ್ಲಿ ಹಾಕಲಾಗುತ್ತದೆ. ಆನ್ಲೈನ್ ಅರ್ಜಿಯನ್ನು ಸ್ವೀಕರಿಸಿದ ನಂತರ, ಪೊಲೀಸ್ ಪರಿಶೀಲನಾ ಅಧಿಕಾರಿಯು ಅರ್ಜಿದಾರರ ಮನೆಗೆ ಹೋಗುತ್ತಾರೆ.

ಬಾಗಿಲಲ್ಲಿ ನಿಂತು ನೇರವಾಗಿ ಅಪ್ಲಿಕೇಶನ್ ಮೂಲಕ ಸಂಪೂರ್ಣ ಪ್ರಕ್ರಿಯೆಯನ್ನು ಪೂರ್ಣಗೊಳಿಸಿದ ನಂತರ ಅಂತಿಮ ವರದಿಯನ್ನು ನೀಡುತ್ತಾರೆ. ಟ್ಯಾಬ್ಲೆಟ್ ಜಿಪಿಎಸ್ ಅನ್ನು ಹೊಂದಿದ್ದು, ಪರಿಶೀಲನಾ ಅಧಿಕಾರಿ ಅರ್ಜಿದಾರರ ಮನೆಗೆ ಭೇಟಿ ನೀಡಿದ್ದಾರೆಯೇ ಅಥವಾ ಇಲ್ಲವೇ ಎಂಬುದನ್ನು ಸಹ ತಿಳಿಸುತ್ತದೆ. ಪೊಲೀಸ್ ಅಧಿಕಾರಿಯ ಪ್ರಕಾರ, ಒಂದು ದಿನದಲ್ಲಿ ಅನೇಕ ಅರ್ಜಿದಾರರನ್ನು ಈ ಅಪ್ಲಿಕೇಶನ್ನೊಂದಿಗೆ ಪರಿಶೀಲಿಸಬಹುದು.

Related News

spot_img

Revenue Alerts

spot_img

News

spot_img