ರಿಯಲ್ ಎಸ್ಟೇಟ್ ವಲಯದ ಕಂಪನಿಗಳಿಗೆ ತಮ್ಮ ಬ್ಯಾಂಕಿಂಗ್ ಅವಶ್ಯಕತೆಗಳಿಗೆ ಒಂದೇ ವೇದಿಕೆಯಲ್ಲಿ ಪರಿಹಾರಗಳನ್ನು ನೀಡಲು ಐಸಿಐಸಿಐ ಬ್ಯಾಂಕ್ ಸ್ಟ್ಯಾಕ್ (STACK) ಪ್ರಾರಂಭಿಸುವುದಾಗಿ ಘೋಷಿಸಿದೆ.
ಸ್ಟ್ಯಾಕ್ ಎಂದರೆ ಬಹಳ ವೇಗವಾಗಿ ಬ್ಯಾಂಕಿಂಗ್ ವಹಿವಾಟುಗಳನ್ನು ಕೈಗೊಳ್ಳಲು ಅನುವುಮಾಡಿಕೊಡುವ ವೇದಿಕೆ. ಇದು ಡಿಜಿಟಲ್ ಮತ್ತು ನೇರ ಬ್ಯಾಂಕಿಂಗ್ ವ್ಯವಹಾರದ ರೂಪದಲ್ಲಿ ಲಭ್ಯ ಇರುತ್ತದೆ. ಮುಖ್ಯವಾಗಿ ಬಿಲ್ಡರ್‌ಗಳು, ರಿಯಲ್ ಎಸ್ಟೇಟ್ ಇನ್ವೆಸ್ಟ್‌ಮೆಂಟ್ ಟ್ರಸ್ಟ್‌ಗಳು (REIT) ಮತ್ತು ಪರ್ಯಾಯ ಹೂಡಿಕೆ ನಿಧಿಗಳು (AIF ) ರಿಯಲ್ ಎಸ್ಟೇಟ್ ವಲಯದ ಭಾಗವಹಿಸುವವರಿಗೆ ತ್ವರಿತವಾಗಿ ವ್ಯವಹಾರ ನಡೆಸಲು ಇದು ಸಹಕಾರಿ.
ಐಸಿಐಸಿಐ ಬ್ಯಾಂಕ್ ಕಳೆದ ವರ್ಷ “ಕಾರ್ಪೊರೇಟ್‌ಗಳಿಗಾಗಿ ಐಸಿಐಸಿಐ ಸ್ಟ್ಯಾಕ್” ಎಂಬ ಯೋಜನೆ ರೂಪಿಸಿತು. ಇದರ ಭಾಗವಾಗಿ ಕಾರ್ಪೊರೇಟರ್ ಮತ್ತು ಕಸ್ಟಮೈಸ್ ಬ್ಯಾಂಕಿಂಗ್‌ನ ವಿಸ್ತರಣೆ ಭಾಗವಾಗಿ ಈಗ ರಿಯಲ್ ಎಸ್ಟೇಟ್ ಉದ್ಯಮವನ್ನೂ ಸಹ ಇದರ ವ್ಯಾಪ್ತಿಗೆ ತಂದಿದೆ.
ಐಸಿಐಸಿಐ ಸ್ಟ್ಯಾಕ್ ಕುರಿತು ಮಾತನಾಡಿದ ಐಸಿಐಸಿಐ ಬ್ಯಾಂಕ್‌ನ ಕಾರ್ಯನಿರ್ವಾಹಕ ನಿರ್ದೇಶಕ ಅನುಪ್ ಬಾಗ್ಚಿ, “ನಮ್ಮ ದೇಶದಲ್ಲಿ ರಿಯಲ್ ಎಸ್ಟೇಟ್ ಕ್ಷೇತ್ರವು ಎರಡನೇ ಅತಿ ದೊಡ್ಡ ಉದ್ಯೋಗ ಸೃಷ್ಟಿಸುವ ಕ್ಷೇತ್ರವಾಗಿದೆ. ಆರ್ಥಿಕತೆಯಲ್ಲಿ ವೇಗವಾಗಿ ಬೆಳೆಯುತ್ತಿರುವ ವಲಯಗಳಲ್ಲಿ ಇದೂ ಸಹ ಒಂದಾಗಿದೆ. ಜಿಡಿಪಿಗೆ ವಲಯದ ಕೊಡುಗೆಯು ಈಗ 7% ರಿಂದ 2025 ರ ವೇಳೆಗೆ 13% ಕ್ಕೆ ಏರುವ ಸಾಧ್ಯತೆಯಿದೆ. ಆದ್ದರಿಂದ, ಅವರಿಗೆ ಬ್ಯಾಂಕಿಂಗ್ ಪಾಲುದಾರರ ಅಗತ್ಯವಿರುತ್ತದೆ ಅದು ಅವರ ಅಗತ್ಯಗಳನ್ನು ಪೂರೈಸುತ್ತದೆ ಮತ್ತು ಅವರ ಸಂಪೂರ್ಣ ಪರಿಸರ ವ್ಯವಸ್ಥೆಗೆ ಪರಿಹಾರಗಳನ್ನು ನೀಡುತ್ತದೆ,” ಎಂದು ಹೇಳಿದರು.
ರಿಯಲ್ ಎಸ್ಟೇಟ್ ಕ್ಷೇತ್ರದವರಿಗೆ STACK ನೀಡುವ ಸೌಲಭ್ಯಗಳೇನು?
ಡಿಜಿಟಲ್ ಬ್ಯಾಂಕ್ ಅಕೌಂಟ್ ಪ್ರಾರಂಭ:
ಬ್ಯಾಂಕ್ ಬಿಲ್ಡರ್‌ಗಳಿಗೆ ಗೊತ್ತುಪಡಿಸಿದ RERA ಖಾತೆ, ಪ್ರಾಜೆಕ್ಟ್ ಸಾಲಕ್ಕಾಗಿ ಎಸ್ಕ್ರೊ ಖಾತೆ ಮತ್ತು ನಿಯಮಿತ ವೆಚ್ಚ ನಿರ್ವಹಣೆಗಾಗಿ ಚಾಲ್ತಿ ಖಾತೆಯಂತಹ ಖಾತೆಗಳನ್ನು ತೆರೆಯುವ ಸೌಲಭ್ಯವನ್ನು ನೀಡುತ್ತದೆ. ಈ ಖಾತೆಗಳು ಬ್ಯಾಂಕಿನ ಕಾರ್ಪೊರೇಟ್ ಇಂಟರ್ನೆಟ್ ಬ್ಯಾಂಕಿಂಗ್ (CIB) ಪ್ಲಾಟ್‌ಫಾರ್ಮ್‌ನಲ್ಲಿ ಒಂದೇ ಲಾಗಿನ್‌ನೊಂದಿಗೆ ಎಲ್ಲಾ ಖಾತೆಗಳಿಗೆ ಅನುಕೂಲಕರವಾದ ಒಂದು-ವೀಕ್ಷಣೆ ಪ್ರವೇಶದೊಂದಿಗೆ ಸಿದ್ಧ ಮಾಡಲಾಗಿದೆ. RERA ಖಾತೆಯನ್ನು ತ್ವರಿತವಾಗಿ ಮತ್ತು ಡಿಜಿಟಲ್ ಆಗಿ ತೆರೆಯಲು ಬಿಲ್ಡರ್‌ಗಳಿಗೆ ಸಂಪೂರ್ಣವಾಗಿ ಕಾಗದರಹಿತ, ಡಿಜಿಟಲ್ ಆನ್-ಬೋರ್ಡಿಂಗ್ ಸೌಲಭ್ಯವನ್ನು ಬ್ಯಾಂಕ್ ಪರಿಚಯಿಸಿದೆ. ಹೆಚ್ಚುವರಿಯಾಗಿ, ಬಿಲ್ಡರ್‌ಗಳು ವಿವಿಧ ಕ್ರೆಡಿಟ್ ಲೈನ್‌ಗಳಿಂದ ಹಣವನ್ನು ಪಡೆಯಲು ಸಕ್ರಿಯಗೊಳಿಸಲು ಡಿಜಿಟಲ್ ಎಸ್ಕ್ರೊ ಖಾತೆ ತೆರೆಯುವ ಅನುಕೂಲವನ್ನು ಬ್ಯಾಂಕ್ ನೀಡುತ್ತದೆ.
ವಿವಿಧ ರೀತಿಯ ಸಾಲಗಳು:
ಬಿಲ್ಡರ್‌ಗಳಿಗೆ ಅವರ ಪ್ರಾಜೆಕ್ಟ್ ವಿವಿಧ ಹಂತಗಳವರೆಗೆ ನಿರಂತರವಾಗಿ ಸಾಲ ನೀಡುತ್ತದೆ. ನಿರ್ಮಾಣ ಹಣಕಾಸು, ದಾಸ್ತಾನು ನಿಧಿ ಮತ್ತು ಲೀಸ್ ರೆಂಟಲ್ ಡಿಸ್ಕೌಂಟಿಂಗ್ (LRD) ಸೌಲಭ್ಯವನ್ನು ಈ ಪಟ್ಟಿಯಲ್ಲಿ ಒಳಗೊಂಡಿದೆ. ಹೆಚ್ಚುವರಿಯಾಗಿ, ಬ್ಯಾಂಕ್ ಬಿಲ್ಡರ್‌ಗಳಿಗೆ ಓವರ್‌ಡ್ರಾಫ್ಟ್, ಲೆಟರ್ ಆಫ್ ಕ್ರೆಡಿಟ್ ಮತ್ತು ಬ್ಯಾಂಕ್ ಗ್ಯಾರಂಟಿಯಂತಹ ಸೌಲಭ್ಯಗಳನ್ನು ಹಣಕಾಸು ಮತ್ತು ಕಾರ್ಯಾಚರಣೆಯ ದಕ್ಷತೆಯನ್ನು ಹೆಚ್ಚಿಸಲು ಒದಗಿಸುತ್ತದೆ.
ಡಿಜಿಟಲ್ ಸಂಗ್ರಹ ಪರಿಹಾರಗಳು
ವಿವಿಧ ಯೋಜನೆಗಳಿಗೆ ನಿರ್ಮಾಣ ಪೂರ್ವ ಹಂತದಲ್ಲಿ ಡಿಜಿಟಲ್ ಸಂಗ್ರಹಣೆ ಮತ್ತು ಸುಲಭವಾಗಿ ಮರುಪಾವತಿ ಅನುಕೂಲಕರ ಮಾಡಲು ಕಸ್ಟಮೈಸ್ ಮಾಡಿದ ಪರಿಹಾರವನ್ನು ಬ್ಯಾಂಕ್ ನೀಡುತ್ತದೆ. ಬಿಲ್ಡರ್‌ಗಳು ನಿರ್ಮಿಸುವ ಅಪಾರ್ಟ್‌ಮೆಂಟ್ ಅಥವಾ ವಿಲ್ಲಾಗಳ ಖರೀದಿದಾರರ ವಿವರಗಳನ್ನು ಒದಗಿಸುವುದು, ಬುಕಿಂಗ್ ಮೊತ್ತವನ್ನು ಡಿಜಿಟಲ್ ರೂಪದಲ್ಲಿ ಸಂಗ್ರಹಿಸುವುದು, ವಹಿವಾಟು ವಿವರಗಳನ್ನು ಬಿಲ್ಡರ್‌ಗಳಿಗೆ ಶೀಘ್ರವಾಗಿ ಮಾಹಿತಿ ನೀಡುವುದು ಇದರಲ್ಲಿ ಸೇರಿದೆ. ಅದೇ ರೀತಿ, ಆಸ್ತಿಯನ್ನು ಮಾರಾಟ ಮಾಡುವ ನಂತರದ ಹಂತದಲ್ಲಿ ಬಿಲ್ಡರ್ ಖರೀದಿದಾರರಿಂದ ಪಾವತಿಗಳನ್ನು ಸಂಗ್ರಹಿಸಬಹುದು. ಬಹು ಪ್ರಾಜೆಕ್ಟ್‌ಗಳ ವಿವಿಧ ಖರೀದಿದಾರರಿಂದ ಸಂಗ್ರಹಣೆಯನ್ನು ಟ್ರ್ಯಾಕ್ ಮಾಡಲು ಬಿಲ್ಡರ್‌ಗಳಿಗೆ ಒಂದೇ ವೇದಿಕೆ ಸಹಾಯ ಮಾಡುತ್ತದೆ. ಇದು ಕಸ್ಟಮೈಸ್ ಮಾಡಿದ MIS ಮತ್ತು ಖಾತೆಗಳ ಸ್ವಯಂಚಾಲಿತ ಸಮನ್ವಯವನ್ನು ಸಹ ನೀಡುತ್ತದೆ.
ಪಾವತಿ ಪರಿಹಾರಗಳು:
ದೊಡ್ಡ ಮಟ್ಟದ ವ್ಯವಹಾರಗಳನ್ನು ಒದಗಿಸಲು ಸಹ ಬ್ಯಾಂಕ್ ಸೂಕ್ಯ ಪರಿಹಾರ ನೀಡುತ್ತದೆ. ಇದರೊಂದಿಗೆ ಬಿಲ್ಡರ್‌ಗಳು ನೌಕರರಿಗೆ ಅನುಕೂಲಕರವಾಗಿ ಸಂಬಳವನ್ನು ಪಾವತಿಸಬಹುದು, ಯುಟಿಲಿಟಿ ಬಿಲ್‌ಗಳನ್ನು ಪಾವತಿಸಬಹುದು, ಮತ್ತು ಗುತ್ತಿಗೆದಾರ/ಮಾರಾಟಗಾರರಿಗೆ ಪಾವತಿಸಬಹುದು. ಇದಲ್ಲದೆ, ಬಿಲ್ಡರ್‌ಗಳು ಟಿಡಿಎಸ್, ಜಿಎಸ್‌ಟಿ, ಕಸ್ಟಮ್ ಡ್ಯೂಟಿ ಮತ್ತು ಉದ್ಯೋಗಿಗಳ ಭವಿಷ್ಯ ನಿಧಿ/ಉದ್ಯೋಗಿಗಳ ರಾಜ್ಯ ವಿಮೆಗೆ ಕಾನೂನುಬದ್ಧ ಪಾವತಿಗಳನ್ನು ಡಿಜಿಟಲ್ ಚಾನೆಲ್‌ಗಳ ಮೂಲಕ ಮಾಡಬಹುದು. ಅಲ್ಲದೆ, ಮುಂಬರುವ ಪಾವತಿಗಳ ಅಲರ್ಟ್‌ ಸಹ ಪಡೆಯಬಹುದು ಮತ್ತು ಮುಂಚಿತವಾಗಿ ನಿರ್ದಿಷ್ಟ ಪಾವತಿಗಳನ್ನು ನಿಗದಿಪಡಿಸಿಬಹುದು. ಒಂದೇ ಬಾರಿಗೆ ಬಹು GST ಪಾವತಿಗಳನ್ನು ಮಾಡಬಹುದು.
ಖರೀದಿದಾರರಿಗೆ ಕಸ್ಟಮೈಸ್ ಮಾಡಿದ ಅಡಮಾನ ಸಾಲಗಳು:
ನಿರೀಕ್ಷಿತ ಮನೆ ಖರೀದಿದಾರರಿಗೆ ಅಡಮಾನ ಸಾಲಗಳಿಗಾಗಿ STACK ಕಸ್ಟಮೈಸ್ ಮಾಡಿದ ಹೋಮ್ ಲೋನ್ ಒದಗಿಸುತ್ತದೆ. ಆಸ್ತಿಯ ವಿರುದ್ಧ ಸಾಲ (LAP) ಮತ್ತು ಮನೆ ಓವರ್‌ಡ್ರಾಫ್ಟ್ ಸೌಲಭ್ಯವನ್ನು ಸಹ ಒದಗಿಸುತ್ತದೆ.
ಎಫ್‌ಡಿಐ ಮತ್ತು ವಿದೇಶಿ ವಿನಿಮಯ
ಬಿಲ್ಡರ್‌ಗಳು, ಆರ್‌ಇಐಟಿಗಳು ಮತ್ತು ಎಐಎಫ್‌ಗಳಿಗೆ ಡಿಜಿಟಲ್ ಪರಿಹಾರ ನೀಡುತ್ತದೆ. ಅದು ಎಫ್‌ಡಿಐ ಕರೆನ್ಸಿಯನ್ನು ಭಾರತೀಯ ರೂಪಾಯಿಗೆ ಪರಿವರ್ತಿಸುತ್ತದೆ ಮತ್ತು ಅದರ ಸಿಐಬಿ ಪ್ಲಾಟ್‌ಫಾರ್ಮ್ ಮೂಲಕ ಅಗತ್ಯವಾದ ನಿಯಂತ್ರಕ ದಾಖಲೆಗಳನ್ನು ತ್ವರಿತವಾಗಿ ಸಲ್ಲಿಸುತ್ತದೆ. ಈ ಕಾಗದರಹಿತ ಪ್ರಕ್ರಿಯೆಗೆ ಶಾಖೆಗೆ ಭೇಟಿ ನೀಡುವ ಅಗತ್ಯವಿಲ್ಲ.
REIT ಗಳು ಮತ್ತು AIF ಗಳಿಗೆ ಸೇವೆಗಳು
ಬ್ಯಾಂಕ್ REIT ಗಳು ಮತ್ತು AIF ಗಳಿಗೆ ವಿವಿಧ ಸೇವೆಗಳನ್ನು ನೀಡುತ್ತದೆ. ಹಣವನ್ನು ಮತ್ತು ಬಾಡಿಗೆಗಳನ್ನು ಸಂಗ್ರಹಿಸಲು ಅವರಿಗೆ ಅನುವು ಮಾಡಿಕೊಡಲು ಬ್ಯಾಂಕ್ ಡಿಜಿಟಲ್ ಸಂಗ್ರಹಣೆಯ ಪರಿಹಾರವನ್ನು ನೀಡುತ್ತದೆ. ಇದು ಪ್ರಾಜೆಕ್ಟ್/ ಹಿಡುವಳಿದಾರ/ ಸೇವಾ ಮಟ್ಟ ಮತ್ತು ಹೂಡಿಕೆದಾರರ ಮಟ್ಟದಲ್ಲಿ ಅನುಕ್ರಮವಾಗಿ ಸಮನ್ವಯ ತರುತ್ತದೆ.
