ನವದೆಹಲಿ: ಎಎಸ್ಕೆ ಗ್ರೂಪ್ನ ಪರ್ಯಾಯ ಆಸ್ತಿ ಹೂಡಿಕೆ ವಿಭಾಗವಾದ ಎಎಸ್ಕೆ ಪ್ರಾಪರ್ಟಿ ಫಂಡ್ ವಸತಿ ರಿಯಲ್ ಎಸ್ಟೇಟ್ ಪ್ರಾಜೆಕ್ಟ್ಗಳನ್ನು ಸ್ವಾಧೀನಪಡಿಸಿಕೊಳ್ಳಲು ಹೂಡಿಕೆ ವೇದಿಕೆಯನ್ನು ಸ್ಥಾಪಿಸುತ್ತಿದೆ. ಇದಕ್ಕಾಗಿ ರಿಯಾಲ್ಟಿ ಡೆವಲಪರ್ ಶ್ರೀರಾಮ್ ಪ್ರಾಪರ್ಟೀಸ್ನೊಂದಿಗೆ ಒಪ್ಪಂದ ಮಾಡಿಕೊಂಡಿದೆ.
ಪ್ಲಾಟ್ಫಾರ್ಮ್ ವ್ಯವಸ್ಥೆ ಅಡಿಯಲ್ಲಿ, ಶ್ರೀರಾಮ್ ಪ್ರಾಪರ್ಟೀಸ್ ಮತ್ತು ಎಎಸ್ಕೆ ಕಂಪನಿಗಳು ಬೆಂಗಳೂರು, ಚೆನ್ನೈ ಮತ್ತು ಹೈದರಾಬಾದ್ನಲ್ಲಿ ಪ್ಲಾಟೆಡ್ ಮತ್ತು ವಸತಿ ಅಭಿವೃದ್ಧಿ ಯೋಜನೆಗಳಲ್ಲಿ ಸಹ ಹೂಡಿಕೆ ಮಾಡುತ್ತವೆ.
ಪ್ಲಾಟ್ಫಾರ್ಮ್ಗೆ ಒಟ್ಟು ರೂ 500 ಕೋಟಿಗಳನ್ನು ಬಂಡವಾಹ ಹೂಡಲಿದ್ದು, ಮುಂದಿನ 12 ತಿಂಗಳುಗಳಲ್ಲಿ ಬದ್ಧ ಬಂಡವಾಳವನ್ನು ನಿಯೋಜಿಸುವ ನಿರೀಕ್ಷೆಯಿದೆ. ಎಎಸ್ಕೆಯು ಅದರ ಪರ್ಯಾಯ ಹೂಡಿಕೆ ನಿಧಿ (AIF) ಮೂಲಕ ಪ್ರಾಜೆಕ್ಟ್ಗಳಲ್ಲಿ ಹೂಡಿಕೆ ಮಾಡುತ್ತದೆ. ಶ್ರೀರಾಮ್ ಮತ್ತು ASK ಈ ಹಿಂದೆ ಬೆಂಗಳೂರಿನ ಸರ್ಜಾಪುರ ರಸ್ತೆಯಲ್ಲಿರುವ ಶ್ರೀರಾಮ್ ಚಿರ್ಪಿಂಗ್ ವುಡ್ಸ್ ಎಂಬ ವಸತಿ ಅಪಾರ್ಟ್ಮೆಂಟ್ ಪ್ರಾಜೆಕ್ಟ್ನ ಅಭಿವೃದ್ಧಿಯಲ್ಲಿ ಕೆಲಸ ಮಾಡಿದ್ದಾರೆ.
“ನಾವು ನಮ್ಮ ದೀರ್ಘಕಾಲದ ಪಾಲುದಾರರಾಗಿರುವ ಎಎಸ್ಕೆಯೊಂದಿಗೆ ಕೈಜೋಡಿಸುತ್ತಿದ್ದೇವೆ. ಪಾಲುದಾರಿಕೆ ವೇದಿಕೆಯು ಬದ್ಧ ಬಂಡವಾಳದ ಲಭ್ಯತೆಯನ್ನು ಒದಗಿಸುತ್ತದೆ. ಇದರಿಂದ ಮತ್ತಷ್ಟು ಬೆಳವಣಿಗೆ ಮತ್ತು ಮೌಲ್ಯ ಸೃಷ್ಟಿಗೆ ಹೊಸ ಅವಕಾಶಗಳನ್ನು ವಶಪಡಿಸಿಕೊಳ್ಳಲು ನಮಗೆ ಅವಕಾಶ ನೀಡುತ್ತದೆ” ಎಂದು ಶ್ರೀರಾಮ್ ಪ್ರಾಪರ್ಟೀಸ್ನ ಸಿಎಂಡಿ ಮುರಳಿ ಎಂ ಹೇಳಿದ್ದಾರೆ.
“ಹೂಡಿಕೆದಾರರು ರಿಯಲ್ ಎಸ್ಟೇಟ್ಗೆ ಬದ್ಧರಾಗಿರುತ್ತಾರೆ. ಆಸ್ತಿ ಸ್ವಾಧೀನದಾದ್ಯಂತ ಸಕ್ರಿಯ ಭಾಗವಹಿಸುವಿಕೆಯೊಂದಿಗೆ ಹೂಡಿಕೆಗಳು ಹೆಚ್ಚು ವಿಶಾಲವಾಗುತ್ತಿವೆ. ಈ ಹೂಡಿಕೆ ವೇದಿಕೆಯು ನಮ್ಮ ಗ್ರಾಹಕರು ಮತ್ತು ಹೂಡಿಕೆ ಪಾಲುದಾರರಿಗೆ ಉತ್ತಮದ ಜೊತೆಗೆ ಸ್ಥಳೀಯ ಮಾರುಕಟ್ಟೆ ಜ್ಞಾನವನ್ನು ನೀಡುತ್ತದೆ” ಎಂದು ASK ಪ್ರಾಪರ್ಟಿ ಫಂಡ್ನ ಸಿಇಒ ಮತ್ತು ಎಂಡಿ ಅಮಿತ್ ಭಗತ್ ಹೇಳಿದ್ದಾರೆ.
ಶ್ರೀರಾಮ್ ಮತ್ತು ASK ಈಗಾಗಲೇ ತಮ್ಮ ಮೊದಲ ಹೂಡಿಕೆಯ ಹೊಸ ವೇದಿಕೆಯಡಿಯಲ್ಲಿ ಉತ್ತರ ಬೆಂಗಳೂರಿನಲ್ಲಿ ಪ್ಲಾಟ್ ಮಾಡಿದ ಅಭಿವೃದ್ಧಿ ಯೋಜನೆ ಮಾಡಿವೆ. ಈಗಾಗಲೇ ಅಗತ್ಯ ಅನುಮೋದನೆಗಳನ್ನು ಹೊಂದಿರುವ ಮತ್ತು ಭಾಗಶಃ ಪೂರ್ಣಗೊಂಡ ಮೂಲಸೌಕರ್ಯ ಅಭಿವೃದ್ಧಿಯನ್ನು ಹೊಂದಿರುವ ಈ ಯೋಜನೆಯ ಸ್ವಾಧೀನ ಮತ್ತು ಅಭಿವೃದ್ಧಿಗೆ ವೇದಿಕೆಯು 125 ಕೋಟಿ ರೂಪಾಯಿವರೆಗೆ ಹೂಡಿಕೆ ಮಾಡುತ್ತದೆ.
8 ಲಕ್ಷ ಚದರ ಅಡಿ ವಿಸ್ತೀರ್ಣ ಹೊಂದಿರುವ ಉದ್ದೇಶಿತ ಯೋಜನೆಯನ್ನು 2022-23ರ ಮೂರನೇ ತ್ರೈಮಾಸಿಕದಲ್ಲಿ ಪ್ರಾರಂಭಿಸಲು ಉದ್ದೇಶಿಸಲಾಗಿದೆ.
ಎಎಸ್ಕೆ ಪ್ರಾಪರ್ಟಿ ಫಂಡ್, ಮಧ್ಯಮ ಆದಾಯ ಮತ್ತು ಕೈಗೆಟುಕುವ ವಸತಿ ಮತ್ತು ವಾಣಿಜ್ಯ ವಿಭಾಗಗಳಲ್ಲಿ ಸೆಲ್ಫ-ಲಿಕ್ವಿಡೇಟಿಂಗ್ ಪ್ರೈವೇಟ್ ಇಕ್ವಿಟಿ ಹೂಡಿಕೆಗಳ ಮೇಲೆ ಕೇಂದ್ರೀಕರಿಸುತ್ತದೆ. ಎಎಸ್ಕೆ ಪ್ರಾಪರ್ಟಿ ಇನ್ವೆಸ್ಟ್ಮೆಂಟ್ ಅಡ್ವೈಸರ್ಗಳು 2009 ರಿಂದ ಇದುವರೆಗೆ ಹೂಡಿಕೆದಾರರಿಂದ ಸುಮಾರು 5,000 ಕೋಟಿ ರೂಪಾಯಿಗಳನ್ನು ಗಳಿಸಿದೆ.
