ಬೆಂಗಳೂರು, ಆ. 16 : ಗ್ರಾಹಕರಿಗೆ ಹೆಚ್ಚು ಲಾಭ ತಂದುಕೊಡುವ ಅಮೃತ್ ಕಲಶ್ ಯೋಜನೆಯ ಅವಧಿಯನ್ನು ಬ್ಯಾಂಕ್ ವಿಸ್ತರಣೆ ಮಾಡಿದೆ. ಈ ಮೂಲಕ ಗ್ರಾಹಕರಿಗೆ ಈ ಯೋಜನೆಯ ಫಲ ಸಿಗುವಂತೆ ಮಾಡಿದೆ. ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ ಸ್ಥಿರ ಠೇವಣಿ ದರಗಳನ್ನು 25 ಬಿಪಿಎಸ್ಗಳಷ್ಟು ಹೆಚ್ಚಿಸಿದ ನಂತರ, ತನ್ನ ಹೊಸ ಚಿಲ್ಲರೆ ಅವಧಿಯ ಠೇವಣಿ ಯೋಜನೆಯಾದ ಅಮೃತ್ ಕಲಶ್ ಠೇವಣಿಯನ್ನು ಪರಿಚಯಿಸಿತ್ತು. ಇದು ಹಿರಿಯ ನಾಗರಿಕರಿಗೆ ಶೇಕಡಾ 7.6 ಮತ್ತು ಇತರರಿಗೆ ಶೇಕಡಾ 7.1 ರ ಬಡ್ಡಿದರವನ್ನು ನೀಡುತ್ತದೆ.
ಈ ಯೋಜನೆಯು ಫೆಬ್ರವರಿ 15, 2023 ರಿಂದ ಹೂಡಿಕೆದಾರರಿಗೆ ಲಭ್ಯವಿತ್ತು. ಇದು ಈ ತಿಂಗಳ 15, 2023ಕ್ಕೆ ಕೊನೆಗೊಳ್ಳಲಿದೆ. ತನ್ನ ಗ್ರಾಹಕರಿಗೆ ಎಸ್ಬಿಐ ಅಮೃತ್ ಕಲಾಶ್ ಠೇವಣಿ ಎಫ್ಡಿ ಯೋಜನೆಯು ‘ಆಕರ್ಷಕ ಬಡ್ಡಿದರಗಳೊಂದಿಗೆ’ ಬರುತ್ತದೆ ಮತ್ತು 400 ದಿನಗಳ ಅವಧಿಯನ್ನು ಹೊಂದಿದೆ ಎಂದು ಎಸ್ಬಿಐ ಹೇಳಿದೆ. ಎಸ್ಬಿಐ ಅಮೃತ್ ಕಲಾಶ್ ಠೇವಣಿ ಎಫ್ಡಿ ಯೋಜನೆಯು 7.10 ಪ್ರತಿಶತ ಬಡ್ಡಿದರಗಳನ್ನು ನೀಡುತ್ತದೆ. ಆದರೆ ಹಿರಿಯ ನಾಗರಿಕರು ಎಫ್ಡಿಯಲ್ಲಿ 7.60 ಬಡ್ಡಿಯನ್ನು ಪಡೆಯುತ್ತಾರೆ.
ಹಾಗಿದ್ದರೂ, ಎಸ್ಬಿಐ ಅಮೃತ್ ಕಲಶ್ ಠೇವಣಿ ಸೀಮಿತ ಅವಧಿಗೆ ಮಾತ್ರ ಮಾನ್ಯವಾಗಿರುತ್ತದೆ. ಎಫ್ಡಿ ಪಡೆದುಕೊಳ್ಳುವ ಗ್ರಾಹಕರು ಡಿಸೆಂಬರ್ 2023 ರವರೆಗೆ ಹಾಗೆ ಮಾಡಬಹುದು. “ಅಮೃತ್ ಕಲಶ್ ಠೇವಣಿ” ಅನ್ನು ದೇಶೀಯ ಮತ್ತು ಎನ್ಆರ್ಐ ಗ್ರಾಹಕರಿಗೆ ಆಕರ್ಷಕ ಬಡ್ಡಿ ದರಗಳು, 400 ದಿನಗಳ ಅವಧಿ ಮತ್ತು ಹೆಚ್ಚಿನವುಗಳೊಂದಿಗೆ ಪರಿಚಯಿಸಿದೆ. ಎಸ್ಬಿಐ ವೆಬ್ಸೈಟ್ನ ಪ್ರಕಾರ ಹೊಸ ದರಗಳು ಫೆಬ್ರವರಿ 15 ರಿಂದ ಜಾರಿಗೆ ಬಂದಿದೆ.
ಬ್ಯಾಂಕ್ ಈಗ 2 ವರ್ಷದಿಂದ 3 ವರ್ಷಕ್ಕಿಂತ ಕಡಿಮೆ ಅವಧಿಯ ಎಫ್ಡಿ ಗಳಿಗೆ 6.75% ಬಡ್ಡಿಯಿಂದ 7% ಮತ್ತು 3 ವರ್ಷಗಳವರೆಗೆ 6.25% ರಿಂದ 5 ವರ್ಷಗಳಿಗಿಂತ ಕಡಿಮೆ ಅವಧಿಯಲ್ಲಿ 6.5% ಅನ್ನು ನೀಡುತ್ತಿದೆ. ಐ ಅಮೃತ್ ಕಲಶ್ ಯೋಜನೆ ಅಡಿಯಲ್ಲಿ 1 ಲಕ್ಷ ರೂಪಾಯಿ ಹಣವನ್ನು ಠೇವಣಿ ಮಾಡಿದರೆ ನಿಮಗೆ ಒಟ್ಟು ಬಡ್ಡಿಯು ಸಾಮಾನ್ಯ ಹೂಡಿಕೆದಾರರಿಗೆ ರೂ 8,017 ಬಂದರೆ, ಹಿರಿಯ ನಾಗರಿಕರಿಗೆ ರೂ 8,600 ಬರುತ್ತದೆ. ನೀವು ಕೂಡ ಈಗ ಈ ವರ್ಷದ ಕೊನೆಯವರೆಗೂ ಅಮೃತ್ ಕಲಶ್ ಯೋಜನೆಯ ಫಲಾನುಭವಿಗಳಾಗಬಹುದು.
