21 C
Bengaluru
Tuesday, July 16, 2024

ದೇಶದ ಶಾಸಕರಲ್ಲಿ 87% ಕೋಟ್ಯಾಧಿಪತಿಗಳು, 43% ಕ್ರಿಮಿನಲ್ ಇತಿಹಾಸವುಳ್ಳವರು: ಕರ್ನಾಟಕಕ್ಕೆ ಅಗ್ರಸ್ಥಾನ.

ಅಸೋಸಿಯೇಷನ್ ಫಾರ್ ಡೆಮಾಕ್ರಟಿಕ್ ರಿಫಾರ್ಮ್ಸ್ (ಎಡಿಆರ್) ಮಂಗಳವಾರ ನೀಡಿರುವ ತನ್ನ ವರದಿಯಲ್ಲಿ ಪ್ರಸ್ತುತ ರಾಜ್ಯ ವಿಧಾನಸಭೆಗಳಲ್ಲಿರುವ 558 ಸಚಿವರಲ್ಲಿ 486 (87%) ಕೋಟ್ಯಾಧಿಪತಿಗಳಾಗಿದ್ದರೆ, 239 (43%) ಸಚಿವರು ತಮ್ಮ ವಿರುದ್ಧ ಕ್ರಿಮಿನಲ್ ಮೊಕದ್ದಮೆಗಳು ಇರುವುದಾಗಿ ಘೋಷಿಸಿಕೊಂಡಿದ್ದಾರೆ ಎಂದು ತಿಳಿಸಿದೆ. ಈ ವರದಿಯು ಕಳೆದ ಚುನಾವಣೆಯಲ್ಲಿ ಸ್ಪರ್ಧಿಸುವ ಮೊದಲು ಸಚಿವರು ಸಲ್ಲಿಸಿದ ಅಫಿಡವಿಟ್ಗಳನ್ನು ಆಧರಿಸಿದೆ ಎಂದು ಹೇಳಲಾಗಿದೆ. ದೇಶದ 28 ರಾಜ್ಯ ವಿಧಾನಸಭೆಗಳು ಮತ್ತು ಎರಡು ಕೇಂದ್ರಾಡಳಿತ ಪ್ರದೇಶಗಳಾದ್ಯಂತ 567 ಸಚಿವರಲ್ಲಿ ಒಟ್ಟು 558 ಸಚಿವರನ್ನು ವಿಶ್ಲೇಷಿಸಿ ಈ ವರದಿಯನ್ನು ಸಿದ್ದಪಡಿಸಲಾಗಿದೆ

ನೇರೆಯ ರಾಜ್ಯ ತಮಿಳುನಾಡಿನ 33 ಸಚಿವರಲ್ಲಿ 28 (85%), ಹಿಮಾಚಲ ಪ್ರದೇಶದ 9 ಸಚಿವರಲ್ಲಿ 7 (78%), ತೆಲಂಗಾಣದ 17 ಸಚಿವರಲ್ಲಿ 13 (76%), ಮಹಾರಾಷ್ಟ್ರದ 20 ಸಚಿವರಲ್ಲಿ 15 (75%) , ಪಂಜಾಬ್ನ 15 ಮಂತ್ರಿಗಳಲ್ಲಿ 11 (73%) ಮತ್ತು ಬಿಹಾರದ 30 ಮಂತ್ರಿಗಳಲ್ಲಿ 21 (70%) ತಮ್ಮ ಸ್ವಯಂ ಪ್ರಮಾಣ ಪತ್ರದಲ್ಲಿ ತಮ್ಮ ವಿರುದ್ಧ ಕ್ರಿಮಿನಲ್ ಮೊಕದ್ದಮೆಗಳನ್ನು ಘೋಷಿಸಿದ್ದಾರೆ ಎಂದು ಎಡಿಆರ್ ತನ್ನ ವರದಿಯಲ್ಲಿ ತಿಳಿಸಿದೆ.

ಗಂಭೀರ ಕ್ರಿಮಿನಲ್ ಪ್ರಕರಣಗಳೊಂದಿಗೆ ಅತಿ ಹೆಚ್ಚು ಶೇಕಡಾವಾರು ಸಚಿವರನ್ನು ಹೊಂದಿರುವ ರಾಜ್ಯಕ್ಕೆ ಸಂಬಂಧಿಸಿದಂತೆ, ಮಹಾರಾಷ್ಟ್ರವು 20 ಸಚಿವರಲ್ಲಿ 13 (65%) ರೊಂದಿಗೆ ಅಗ್ರಸ್ಥಾನದಲ್ಲಿದೆ, ಜಾರ್ಖಂಡ್ನ 11 ಮಂತ್ರಿಗಳಲ್ಲಿ ಏಳು (64%) ನಂತರ ಮತ್ತು ತೆಲಂಗಾಣದ 17 ಸಚಿವರಲ್ಲಿ 10 (59%) ಎಂದು ಉಲ್ಲೇಖಿಸಿದೆ.

ವರದಿಯ ಪ್ರಕಾರ, ಬಿಹಾರದ 30 ಸಚಿವರಲ್ಲಿ 15 (50%) ತಮ್ಮ ವಿರುದ್ಧ ಗಂಭೀರ ಕ್ರಿಮಿನಲ್ ಆರೋಪಗಳನ್ನು ಘೋಷಿಸಿದ್ದಾರೆ, ಆದರೆ ತಮಿಳುನಾಡಿನ 33 ಸಚಿವರಲ್ಲಿ 16 (48%) ಮತ್ತು ಪಂಜಾಬ್ನ 15 ಸಚಿವರಲ್ಲಿ ಏಳು (47%) ತಮ್ಮ ವಿರುದ್ಧ ಗಂಭೀರ ಕ್ರಿಮಿನಲ್ ಮೊಕದ್ದಮೆಗಳನ್ನು ಘೋಷಿಸಿದರು.
ವರದಿಯು ರಾಜ್ಯ ವಿಧಾನಸಭೆಗಳಾದ್ಯಂತ ಸಚಿವರ ಆಸ್ತಿಯನ್ನು ಸಹ ವಿಶ್ಲೇಷಿಸಿದ್ದು ಸಚಿವರ ಸರಾಸರಿ ಆಸ್ತಿಯನ್ನು ₹ 16.63 ಕೋಟಿ ಎಂದು ನಿಗದಿಪಡಿಸಲಾಗಿದೆ. ಆದರೆ, ಘೋಷಿತ ಕ್ರಿಮಿನಲ್ ಪ್ರಕರಣಗಳನ್ನು ಹೊಂದಿರುವ ಸಚಿವರ ಸರಾಸರಿ ಆಸ್ತಿ ₹ 21.21 ಕೋಟಿ. ಇದಕ್ಕೆ ಹೋಲಿಸಿದರೆ ಕ್ರಿಮಿನಲ್ ಪ್ರಕರಣಗಳಿಲ್ಲದ ಸಚಿವರ ಸರಾಸರಿ ಆಸ್ತಿ ₹ 13.20 ಕೋಟಿ ಎಂದು ತಿಳಿಸಿದೆ

ಪ್ರತಿ ಸಚಿವರಿಗೆ ಅತ್ಯಧಿಕ ಸರಾಸರಿ ಆಸ್ತಿಯೊಂದಿಗೆ ಕರ್ನಾಟಕ ಮುಂಚೂಣಿಯಲ್ಲಿದ್ದು, 27 ಸಚಿವರು ₹ 73.09 ಕೋಟಿ ಸರಾಸರಿ ಆಸ್ತಿ ಹೊಂದಿದ್ದಾರೆ, ಮಹಾರಾಷ್ಟ್ರ (20 ಸಚಿವರು) ಸರಾಸರಿ ಆಸ್ತಿ ₹ 47.45 ಕೋಟಿ ಮತ್ತು ಛತ್ತೀಸ್ಗಢ (13 ಸಚಿವರು) ಸರಾಸರಿ ಆಸ್ತಿ ₹ 43.96 ಕೋಟಿ.

ಮತ್ತೊಂದೆಡೆ, ತ್ರಿಪುರಾ ಸಚಿವರ ಕಡಿಮೆ ಸರಾಸರಿ ಆಸ್ತಿಯನ್ನು ಹೊಂದಿದೆ, ಸರಾಸರಿ ಆಸ್ತಿ ₹ 2.67 ಕೋಟಿ 11 ಮಂತ್ರಿಗಳ ಒಡೆತನದಲ್ಲಿದೆ, ಸ್ವಲ್ಪ ಹೆಚ್ಚಿನ ಅಂಕಿ ಅಂಶವನ್ನು ಹೊಂದಿರುವ ಕೇರಳದ (18 ಸಚಿವರು) ಸರಾಸರಿ ಆಸ್ತಿ ₹ 2.73 ಕೋಟಿ ಮತ್ತು ಮಣಿಪುರ ( 12 ಸಚಿವರು) ಸರಾಸರಿ ಆಸ್ತಿ ₹ 3.69 ಕೋಟಿ.
ಅರುಣಾಚಲ ಪ್ರದೇಶ, ಛತ್ತೀಸ್ಗಢ, ಗೋವಾ, ಹರಿಯಾಣ, ಹಿಮಾಚಲ ಪ್ರದೇಶ, ಕರ್ನಾಟಕ, ಮಹಾರಾಷ್ಟ್ರ, ಮಣಿಪುರ, ಪುದುಚೇರಿ, ತೆಲಂಗಾಣ ಮತ್ತು ಉತ್ತರಾಖಂಡದ ರಾಜ್ಯ ಸಚಿವ ಸಂಪುಟವು ಕೋಟ್ಯಾಧಿಪತಿಗಳಿಂದ ತುಂಬಿದೆ ಎಂದು ತಿಳಿಸಿದೆ

ಲಿಂಗಕ್ಕೆ ಸಂಬಂಧಿಸಿದಂತೆ, ಒಟ್ಟು 558 ಮಂತ್ರಿಗಳಲ್ಲಿ 51 (9%) ಮಂತ್ರಿಗಳು ಮಾತ್ರ ಮಹಿಳೆಯರು. ಅತಿ ಹೆಚ್ಚು ಮಹಿಳಾ ಮಂತ್ರಿಗಳು ಪಶ್ಚಿಮ ಬಂಗಾಳದಿಂದ ಎಂಟು (18%), ಒಡಿಶಾ ಐದು (23%) ಮತ್ತು ಉತ್ತರ ಪ್ರದೇಶ ಐದು (10%) ಆಗಿದ್ದು “ಅರುಣಾಚಲ ಪ್ರದೇಶ, ದೆಹಲಿ, ಮಿಜೋರಾಂ, ನಾಗಾಲ್ಯಾಂಡ್, ಮೇಘಾಲಯ, ಗೋವಾ, ಹಿಮಾಚಲ ಪ್ರದೇಶ, ಮಹಾರಾಷ್ಟ್ರ ಮತ್ತು ಸಿಕ್ಕಿಂ ಅಸೆಂಬ್ಲಿಗಳಲ್ಲಿ ಮಹಿಳಾ ಮಂತ್ರಿಗಳಿಲ್ಲ ಎಂಬುದು ಗಮನಿಸಬೇಕಾದ ಅಂಶವಾಗಿದೆ” ಎಂದು ಎಡಿಆರ್ ವರದಿ ಒತ್ತಿಹೇಳಿದೆ.

Related News

spot_img

Revenue Alerts

spot_img

News

spot_img