ಕರ್ನಾಟಕದಲ್ಲಿ ಮುಗ್ಧರಿಗೆ ಮೋಸ ಮಾಡಿರುವ ‘ರಿಯಲ್ ಎಸ್ಟೇಟ್’ ಕಂಪನಿಗಳ ಪಟ್ಟಿ: ಪ್ರತಿಯೊಬ್ಬ ಕನ್ನಡಿಗನಿಗೂ ವಂಚಕರ ಪಟ್ಟಿ ಶೇರ್ ಮಾಡಿ!

Real Estate : ಬೆಂಗಳೂರು, ಜ. 11: ರಿಯಲ್ ಎಸ್ಟೇಟ್ ಹೂಡಿಕೆ, ಹಣ ದ್ವಿಗುಣ ಗೊಳಿಸುವ ಸ್ಕೀಮ್ ಗಳ ಹೆಸರಿನಲ್ಲಿ ಜನ ಸಾಮಾನ್ಯರಿಂದ ಹಣ ಪಡೆದು ಮೋಸ ಮಾಡಿರುವ ಅನೇಕ ರಿಯಲ್ ಎಸ್ಟೇಟ್ ಕಂಪನಿಗಳು ಹಾಗೂ ಹಣಕಾಸು ಸಂಸ್ಥೆಗಳು ಇವೆ. ಸ್ವಲ್ಪ ಯಾಮಾರಿದರೂ ಕಷ್ಟಪಟ್ಟು ಕೂಡಿಟ್ಟ ಹಣ ಒಮ್ಮೆ ಕಳೆದುಕೊಂಡರೆ ವಾಪಸು ಬರುವುದಿಲ್ಲ. ಹೂಡಿಕೆ ಹೆಸರಿನಲ್ಲಿ ಜನರ ರಕ್ತ ಹೀರಿ ವಂಚನೆ ಪ್ರಕರಣಗಳನ್ನು ಎದುರಿಸುತ್ತಿರುವ ಹಲವು ಕಂಪನಿಗಳ ಪಟ್ಟಿಯನ್ನು ಸಾರ್ವಜನಿಕರ ಜಾಗೃತಿಗಾಗಿ ಇಲ್ಲಿ ನೀಡಲಾಗಿದೆ.
ಕಡಿಮೆ ಬಲೆಗೆ ಮನೆ ಕಟ್ಟಿಕೊಡುವ ಅಸೆ ತೋರಿಸಿ ಸಾವಿರಾರು ಜನರಿಂದ ಲೂಟಿ ಮಾಡಿದ ಡ್ರೀಮ್ಸ್ ಜಿಕೆ, ಗೃಹ ಕಲ್ಯಾಣ, ಕಣ್ವ ರಿಯಲ್ ಎಸ್ಟೇಟ್, ಐಎಂಎ ವಂಚನೆ ಪ್ರಕರಣಗಳು ಮಹಾ ಹಗರಣಗಳಾಗಿ ಸುದ್ದಿಯಾಗಿದ್ದು ಎಲ್ಲರಿಗೂ ಗೊತ್ತಿರುವ ವಿಚಾರ. ವಿಪರ್ಯಾಸವೆಂದರೆ ಪೊಲೀಸರು ಕೇಸು ದಾಖಲಿಸಿದ್ರೂ ಜನರಿಗೆ ಕಳೆದುಕೊಂಡ ಹಣ ವಾಪಸು ಸಿಕ್ಕಿಲ್ಲ. ಒಮ್ಮೆ ಹಣ ಕಳೆದುಕೊಂಡರೆ ವಾಪಸು ಪಡೆಯುವುದು ತೀರಾ ಕಷ್ಟ. ಹೀಗಾಗಿ ಇದೇ ರೀತಿ ಲಕ್ಷಾಂತರ ಜನ ಸಾಮಾನ್ಯರಿಂದ ಕೋಟಿ ಕೋಟಿ ಹಣ ಹೂಡಿಕೆ ಮಾಡಿಸಿಕೊಂಡು ಮೋಸ ಮಾಡಿ ಸುದ್ದಿಯಾಗದೇ ಇರುವ ಅನೇಕ ರಿಯಲ್ ಎಸ್ಟೇಟ್ ಕಂಪನಿಗಳು ಹಾಗೂ ಹಣಕಾಸು ಸಂಸ್ಥೆಗಳ ಪಟ್ಟಿ ರೆವಿನ್ಯೂ ಫ್ಯಾಕ್ಟ್‌ ವೆಬ್ ತಾಣದ ಬಳಿಯಿದೆ.
ಹೊಸ ಸೋಗಿನಲ್ಲಿ ಮತ್ತೆ ರಿಯಲ್ ಎಸ್ಟೇಟ್ ವ್ಯವಹಾರ, ಹಣ ದ್ವಿಗುಣಗೊಳಿಸುವ ಅಸೆ ಹುಟ್ಟಿಸಿ ಅನ್ಯ ಕಂಪನಿಗಳ ಹೆಸರಿನಲ್ಲಿ ಬಲೆ ಬೀಸುವ ಈ ವಂಚಕ ಕಂಪನಿಗಳ ಪಟ್ಟಿ ಪ್ರತಿಯೊಬ್ಬ ಕನ್ನಡಿಗನಿಗೂ ಗೊತ್ತಿರಲಿ. ಮಾತ್ರವಲ್ಲ, ನಿವೇಶನ, ಪ್ಲಾಟ್ ಹೆಸರಿನಲ್ಲಿ ಹೂಡಿಕೆ ಮಾಡಿಸಿಕೊಂಡು ವಂಚನೆ ಮಾಡುತ್ತಿರುವ ವಾಸನೆ ಕಂಡು ಬಂದಲ್ಲಿ ಕೂಡಲೇ revenuefacts22@gmail.com ಅಥವಾ 6363386332 ಸಂಖ್ಯೆಗೆ ಕರೆ ಮಾಡಿ ಮಾಹಿತಿ ಕೊಡಿ. ಅದರ ಸತ್ಯಾಸತ್ಯತೆಯನ್ನು ತನಿಖೆ ಮಾಡಿ ರೆವಿನ್ಯೂಫ್ಯಾಕ್ಟ್ಸ್ ತಂಡ ಸಾರ್ವಜನಿಕರಿಗೆ ಅಸಲಿ ಮಾಹಿತಿಯನ್ನು ನೀಡಲಿದೆ. ಈ ಮೂಲಕ ರಿಯಲ್ ಎಸ್ಟೇಟ್, ಹಣ ದ್ವಿಗುಣ ಗೊಳಿಸುವ ಹೂಡಿಕೆ ಸ್ಕೀಮ್ ಗಳ ಹೆಸರಿನಲ್ಲಿ ಸಾರ್ವಜನಿಕರನ್ನು ವಂಚಿಸುವ ವೈಟ್ ಕಾಲರ್ ಕ್ರಿಮಿನಲ್ ಗಳ ವಂಚನೆ ತಡೆಯುವ ಸಣ್ಣ ಪ್ರಯತ್ನ ಮಾಡೋಣ. ಅದರ ಸಲುವಾಗಿಯೇ ರೆವಿನ್ಯೂ ಫ್ಯಾಕ್ಟ್ಸ್ ಸುದ್ದಿತಾಣ ರಿಯಲ್ ಎಸ್ಟೇಟ್ ಹೆಸರಿನಲ್ಲಿ ವಂಚಿಸಿರುವ ಕಂಪನಿಗಳ ಪಟ್ಟಿಯನ್ನು ಇಲ್ಲಿ ನೀಡಿದೆ. ಈ ಪಟ್ಟಿಯನ್ನು ಪ್ರತಿಯೊಬ್ಬ ಕನ್ನಡಿಗನಿಗೂ ತಲುಪಿಸಿ. ವಂಚನೆಯಿಂದ ತಪ್ಪಿಸುವ ಪ್ರಯತ್ನ ಮಾಡೋಣ.

ವಂಚನೆ ಪ್ರಕರಣಗಳ ಅನಾವರಣ:

ಜೀವನದಲ್ಲಿ ಆಧಾರಕ್ಕೆ ಅಂತ ಒಂದು ಮನೆ ಕಟ್ಟಿಕೊಳ್ಳಬೇಕು. ಇಲ್ಲವೇ ದುಡಿದ ನಾಲ್ಕು ಕಾಸು ಭೂಮಿ ಮೇಲೆ ಹೂಡಿಕೆ ಮಾಡಿ ಬದುಕಿಗೊಂದು ಆಧಾರ ಮಾಡಿಕೊಳ್ಳಬೇಕು ಎಂಬುದು ಬಹುತೇಕರ ಅಸೆ. ನಿಜ ಕೂಡ. ಆದ್ರೆ, ಇವರಿಗಾಗಿ ಬಲೆ ಬೀಸಿ ಕೂತಿರುವ ವಂಚಕರು ಬಡವರ ಕನಸು ಸಕಾರಗೊಳಿಸುವ ಬದಲಿಗೆ ಹೂಡಿಕೆ ಮಾಡಿಸಿಕೊಂಡು ಬೀದಿಗೆ ತಂದು ನಿಲ್ಲಿಸಿ ಬಿಡುತ್ತಾರೆ. ಇಂತಹ ವಂಚಕರ ವಿರುದ್ಧ ಪೊಲೀಸರು ತನಿಖೆ ನಡೆಸಿ ದೋಷಾರೋಪ ಪಟ್ಟಿ ಸಲ್ಲಿಸಿದರೂ, ಅವುಗಳ ವಿಚಾರಣೆ ನಡೆಸಿ ಕಳೆದುಕೊಂಡ ಹಣ ಕೊಡಿಸಿದ್ದು ಅಪರೂಪ. ಹೀಗಾಗಿ ವಂಚನೆ ಮಾಡುವದನ್ನೇ ಹಲವರು ಪ್ರವೃತ್ತಿ ಮಾಡಿಕೊಂಡಿದ್ದಾರೆ.
ಇಂತಹ ವಂಚಕರ ವಿರುದ್ಧಸಾರ್ವಜನಿಕರು ನೀಡಿರುವ ದೂರಿನ ಮೇರೆಗೆ ರಾಜ್ಯದ ವಿವಿಧ ಕಡೆ ಪೊಲೀಸರು ಕರ್ನಾಟಕ ಪ್ರೊಟೆಕ್ಷನ್ ಆಫ್ ಇಂಟ್ರೆಸ್ಟ್ ಆಫ್ ಡೆಪಾಸಿಟರ್ಸ್ ಆಕ್ಟ್ ಹಾಗೂ ಬ್ಯಾನಿಂಗ್ ಆಫ್ ಅನ್ ರೆಗ್ಯುಲೇಟರ್ ಡೆಪಾಸಿಟ್ಸ್ ಸ್ಕೀಮ್ಸ್ ಅಕ್ಟ್‌ ಅಡಿಯಲ್ಲಿ ಪ್ರಕರಣಗಳನ್ನು ದಾಖಲಿಸಿದ್ದಾರೆ. ದಾಖಲಿಸಿದ ಮಾತ್ರಕ್ಕೆ ಪೊಲೀಸರು ನ್ಯಾಯ ಕೊಡಿಸಲು ಸಾಧ್ಯವಾಗಿಲ್ಲ. ಈ ವಂಚಕರ ಆಸ್ತಿ – ಹಂತಸ್ತು ಮುಟ್ಟುಗೋಲು ಹಾಕಿಕೊಂಡಿದ್ದರೂ , ವಂಚನೆ ಮೊತ್ತಕ್ಕೂ ಹಾಗೂ ಇರುವ ಆಸ್ತಿ ಮೌಲ್ಯಕ್ಕೂ ಅಜಗಜಾಂತರ ವ್ಯತ್ಯಾಸ. ಹೀಗಾಗಿ ಹಣ ಕಳೆದುಕೊಂಡವರು ಎಷ್ಟೋ ಮಂದಿ ಅದೇ ಕೊರಗಲ್ಲಿ ಉಸಿರು ಬಿಟ್ಟಿದ್ದಾರೆ. ಇನ್ನೂ ಕೆಲವರು ಚಾತಕ ಪಕ್ಷಿಗಳಂತೆ ಕಾಯುತ್ತಿದ್ದಾರೆ. ಮೋಸ ಹೋಗಿ ಪರದಾಡುವುದಕ್ಕಿಂತಲೂ ಮೋಸ ಹೋಗದೇ ಎಚ್ಚರಿಕೆ ವಹಿಸುವುದು ಸೂಕ್ತ. ಹೀಗಾಗಿ ಸದ್ಯಕ್ಕೆ ಕರ್ನಾಟಕ ರಾಜ್ಯದಲ್ಲಿ ರಿಯಲ್ ಎಸ್ಟೇಟ್ ಹಾಗೂ ಹಣ ದ್ವಿಗುಣ ಗೊಳಿಸುವ ಸ್ಕೀಮ್ ಗಳ ಹೆಸರಿನಲ್ಲಿ ವಂಚಿಸಿ ಕ್ರಿಮಿನಲ್ ಕೇಸು ಎದುರಿಸುತ್ತಿರುವ ಕಂಪನಿಗಳ ಪಟ್ಟಿ ನೀಡಲಾಗಿದೆ.

Karnataka Protection of Interest of Depositors Act. (KPID) Cases List